قارجى • 13 ءساۋىر، 2022

ينۆەستورلار كوبەيدى

36 رەت كورسەتىلدى

2022 جىلدىڭ ءبىرىنشى توقسانىنىڭ قورىتىندىسى بويىنشا جەكە تۇلعالار اشقان بروكەرلىك شوتتار سانى كوبەيە تۇسكەن. قازىرگى كەزدە ولاردىڭ ناقتى سانى 313 388-ءدى قۇراپ وتىر. ياعني سوڭعى ءبىر جىلدا 2،1 ەسە ارتقان. ال بيىل جىل باسىنان بەرى 44 پايىزعا كوبەيگەنى بايقالادى.

ينفوگرافيكانى جاساعان امانگەلدى قياس، «ەQ»

ورتالىق دەپوزيتاريدىڭ حابارلاۋىنشا، اسىرەسە اقپان ايىندا بولشەك ينۆەستورلار سانى كۇرت ارتىپتى (+69 مىڭ شوت). ال ناۋرىزدا ينۆەستيتسيا الەمىنە بىلەك سىبانا كىرىسكەن ينۆەستورلاردىڭ ارقاسىندا اشىلعان شوتتار سانى 22 مىڭنان اسىپ تۇسكەن.

ساراپشىلار ينۆەستورلاردىڭ جىل ساناپ «جاسارىپ» كەلە جاتقانىن دا ەسكە سالادى. بروكەرلىك شوت اشىپ، ينۆەستيتسيا الەمىنىڭ قىر-سىرىنا قانىققىسى كەلگەن جەكە تۇلعالاردىڭ تەڭ جارتىسىنا جۋىعىنىڭ (48،2 پايىزى) جاسى 35-كە جەتپەگەندەر ەكەن. جىل باستالعالى 18-24 جاس ارالىعىنداعى ينۆەستورلار سانى 2،5 ەسە ءوسىپ، 59 مىڭ ادامدى قۇراعان. ال كامەلەتكە تولماعان ازاماتتار اتىنان اشىلعان سۋبشوتتار ۇلەسى ادەتتەگىدەي 0،1 پايىزدان دا اسپايدى.

«نارىققا كىرۋگە بايلانىستى ءبىراز كەدەرگىنىڭ الىنىپ تاستالۋى ينۆەستورلار بازاسىن جاسارتۋعا سەپتىگىن تيگىزدى. كۇشى جويىلعان بارەرلەر رەتىندە ءبىرىنشى كەزەكتە بروكەرلىك شوت اشۋ پروتسەسىنىڭ جەڭىلدەتىلۋىن اتاپ وتۋگە بولادى. بۇعان قاشىقتان وتىرىپ يدەنتيفيكاتسيا جاساۋ مۇمكىندىگى مەن جاڭا تسيفرلى بروكەرلىك قوسىمشالاردىڭ پايدا بولۋى اسەر ەتتى»، دەيدى ورتالىق دەپوزيتاري باسقارما توراعاسى ءادىل مۇحامەدجانوۆ.

سونىمەن بىرگە بولشەك ينۆەس­تورلاردىڭ باسىم ۇلەسىن 35-54 جاس ارالىعىنداعى (35،2 پايىز) ازاماتتار قۇراپ تۇر. ودان كەيىنگى كەزەكتە 29،2 پايىز ۇلەسپەن 25-34 جاس ارالىعىنداعى ازاماتتار كەلە جاتسا، اعا بۋىن ءتورتىنشى پوزيتسيادا ەكەن. بۇل رەتتە جاسى 55-تەن اسىپ كەتكەن ينۆەستورلار ۇلەسى 21،2-دەن 16،6 پايىزعا ازايىپ كەتكەن.

«گەندەرلىك قاتىناس بويىنشا ايتارلىقتاي تۇراقتىلىق اڭعارىلادى. بروكەرلىك شوت يەلەرىنىڭ اراسىندا ايەلدەر ۇلەسى 42 پايىزدى قۇرايدى. ءبىر اي بۇرىن دا سولاي بولعان. ال ءابسوليۋتتى كورسەتكىشتە كىشىگىرىم ءوسىم بايقالادى، جاڭادان 8 701 ايەل ازامات قاتارعا قوسىلعان. بۇل رەتتە جىل باسىنان بەرى باعالى قاعازدار نارىعىنداعى ايەل-ينۆەستورلار سانى 1،5 ەسە ءوستى.  وڭىرلەرگە كەلەر بولساق، رەسپۋبليكالىق ماڭىزى بار قوس قالا – الماتى (22،8 پايىز) مەن نۇر-سۇلتاندا (9،4 پا­يىز) سۋبشوتتاردىڭ كوبىرەك تىركەلگەنى بايقالدى. ءۇشىنشى ورىندا 9،1 پايىزبەن تۇركىستان وبلىسى. ال قوستاناي، اقمولا جانە سولتۇستىك قازاقستان وبلىستارىندا ينۆەستورلىق بەلسەندىلىك تومەن دەڭگەيدە»، دەپ حابارلايدى Ranking ساراپشىلارى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار