جەزقازعان قالاسى پوليتسيا باسقارماسىنىڭ تەرگەۋشىلەرى الاياقتىقتىڭ فاكتىسى بويىنشا 116 قىلمىستىق ءىستى سوتقا جولدادى.
2020-2022 جىلدار ارالىعىندا قاراعاندى وبلىسىنىڭ جەزقازعان قالاسىنىڭ پب تەرگەۋ بولىمىنە 116 شارۋا قوجالىقتارىنىڭ يەلەرى ارىزبەن جۇگىنگەن. ولاردىڭ بارلىعى بەلگىلى ءبىر تۇلعالاردىڭ الاياقتىق ارەكەتتەرىنىڭ قۇربانى بولعان.
الاياقتار زارداپ شەككەندەردىڭ ارقايسىسىنا قۇنى 2,5 ملن تەڭگە قاردا جۇرەتىن كولىك پەن قۇنى 300 مىڭ تەڭگە بولاتىن كيىز ءۇيدى تەگىن جەتكىزۋدى ۇسىنعان. بۇل رەتتە قاسكۇنەمدەر شارۋا قوجالىقتارىنا اگروونەركاسىپتىك كەشەن سۋبەكتىلەرىن سۋبسيديالاۋ قاعيدالارى اياسىندا شىعىنداردىڭ ءبىر بولىگى وتەلەدى دەپ مالىمدەگەن. اۋىل تۇرعىندارىنىڭ سەنىمىن ارتتىرۋ ءۇشىن ولار كەڭسە اشىپ, ۇگىت-ناسيحات جانە ءتۇسىندىرۋ جۇمىستارىن جۇرگىزىپ وتىرعان. ولاردىڭ كەلتىرگەن شىعىنى 37 ملن تەڭگەنى قۇرادى.
«قر قك 190-بابى (الاياقتىق) بويىنشا قىلمىستىق ءىس قوزعالدى. جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى 28-34 جاستاعى نۇر-سۇلتان قالاسىنىڭ ءۇش تۇرعىنىن ۇستادى. ولار قاراعاندى وبلىسىنىڭ شارۋا قوجالىقتارىنىڭ يەلەرىنە تيەسىلى قاراجاتتى زاڭسىز يەلەنۋمەن بايلانىستى قىلمىستىق نيەتپەن ۇيىمداستىرعاندارىن مويىندادى. قازىرگى ۋاقىتتا بارلىق قاجەتتى تەرگەۋ ارەكەتتەرى جۇرگىزىلىپ, دالەلدەمەلەر بازاسى بەكىتىلگەننەن كەيىن قىلمىستىق ءىس سوتقا قاراۋعا جىبەرىلدى», دەلىنگەن حابارلامادا.
