«الەۋمەتتىك جەلىلەردى بىردەن بۇعاتتايدى دەگەن اقپارات جالعان. ەگەر نقا سايتىن اشىپ قاراسا, بالالاردى كيبەربۋللينگتەن قورعاۋ تۋرالى زاڭ سەناتتان وتكەننەن كەيىن قابىلدانۋى مۇمكىن ەكەنىن كورۋگە بولادى. ولار سەناتتان وتە مە, جوق پا بەلگىسىز. سەبەبى قازىر قىزۋ تالقىلاۋلار ءجۇرىپ جاتىر. ءبىز ەستيتىن مەملەكەتتە تۇرامىز, سوندىقتان ءبىرىنشى تالقىلاۋعا سالامىز.
زاڭ قابىلدانعان كۇننىڭ وزىندە الەۋمەتتىك جەلى اكىمشىلىكتەرى ءبىز ۇسىنعان تالاپتاردى ورىنداعىسى كەلمەسە عانا شەكتەۋ تۋرالى ماسەلە تۋىندايدى», دەدى مينيستر ۇكىمەت اياسىندا.
ونىڭ ايتۋىنشا, زاڭ جوباسىنىڭ نورمالارى قابىلدانسا, الەۋمەتتىك جەلىلەر قازاقستاندا ءوز وكىلىن تاعايىنداۋى كەرەك.
«نەگىزى, الەۋمەتتىك جەلىلەر وكىل جىبەرسە ولارمەن بايلانىسۋ وڭايىراق بولاتىن ەدى. بالالاردى قورلايتىن كونتەنت انىقتالسا بىردەن حابارلاسىپ شەشەتىندەي. لوس-اندجەلەسكە نەمەسە ماياميگە سۇراۋ جىبەرىپ, ونى ايلاپ, جىلداپ كۇتىپ وتىرمايتىنداي», دەدى مينيستر.
ايانا توعانبەك
