شىمكەنت قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى 10 ساۋىردە جەدەل جاردەم قىزمەتىنە ەر ادامنىڭ بيىكتەن قۇلاپ, جاراقات العانى تۋرالى حابارلاما تۇسكەنىن راستادى.
دارىگەرلەردىڭ ايتۋىنشا, ەر ادام كومادا, جاعدايى اۋىر.
«وقيعا ورنىنا كەلگەن مەديتسينا قىزمەتكەرلەرى ناۋقاسقا العاشقى مەديتسينالىق كومەك كورسەتىپ, ونى №1 قالالىق كلينيكالىق اۋرۋحاناعا جەتكىزدى. تەكسەرۋ كەزىندە ناۋقاستىڭ باسىنىڭ ماڭداي ايماعىنىڭ جىرتىلعانى انىقتالدى. حيرۋرگيالىق ەم جۇرگىزىلدى. ناۋقاستىڭ جاعدايى اۋىر, ول جانساقتاۋ بولىمىندە جاتىر», دەپ حابارلادى ۆەدومستۆودان.
شىمكەنت قالالىق ءىىب سوتقا دەيىنگى تەرگەۋ جۇمىستارى باستالعانىن حابارلادى.
«2022 جىلدىڭ 10 ساۋىرىندە بايدىبەك بي كوشەسىندەگى اتتراكتسيوندار ساياباعىندا ورىن العان جايت بويىنشا ءال-فارابي اۋدانى پوليتسيا باسقارماسىنىڭ قىزمەتكەرلەرىمەن قر قك 306-بابىنىڭ 1-بولىگىمەن (تۇتىنۋشىلار ءومiرiنiڭ نەمەسە دەنساۋلىعىنىڭ قاۋiپسiزدiگi تالاپتارىنا ساي كەلمەيتiن جۇمىستاردى ورىنداۋ نە قىزمەتتەر كورسەتۋ) قىلمىستىق ءىس تىركەلدى. قازىرگى تاڭدا سوتقا دەيىنگى تەرگەپ-تەكسەرۋ جۇمىستارى جۇرگىزىلىپ جاتىر, ونىڭ بارىسىندا جايتتىڭ بارلىق ءمان-جايى انىقتالاتىن بولادى», دەلىنگەن حابارلامادا.
