ساراپشىلاردىڭ باعالاۋىنشا, 2022 جىلدىڭ قاڭتار-اقپان ايلارىندا تەمىرجول كولىگى سالاسىنداعى كومپانيالاردىڭ كىرىسى 196,2 ملرد تەڭگە بولدى. بۇل وتكەن جىلمەن سالىستىرعاندا 20,8%-عا ارتىق.
185,2 ملرد تەڭگە كىرىستىڭ باسىم بولىگىن كاسىپورىندار جۇك جانە باگاجدى تاسىمالداۋدان السا, جولاۋشىلاردى تاسىمالداۋدان تۇسكەن تابىس نەبارى 11 ملرد تەڭگە بولدى.
2022 جىلدىڭ العاشقى ەكى ايىندا تەمىرجول كولىگىمەن جۇك پەن باگاجدى تاسىمالداۋ 70,8 ملن توننا بولعان. بۇل وتكەن جىلمەن سالىستىرعاندا 10,2%-عا ارتىق.
«وڭىرلىك تۇرعىدا جۇك پەن باگاجدىڭ باسىم بولىگى قاراعاندى وبلىسىنا تاسىمالدانعان (8,8 ملن توننا). ۇزدىك ۇشتىككە اقتوبە وبلىسى (7,7 ملن توننا) مەن ەلوردا (7,4 ملن توننا) كىردى», دەپ جازدى Ranking.kz زەرتتەۋىندە.
سونىمەن قاتار مامانداردىڭ ايتۋىنشا, ەلدەگى جۇك اينالىمى 18,2 %-عا ارتقان. بيىل قاڭتار-اقپان ايلارىندا تەمىرجول كولىگىمەن 2,5 ملن ادام تاسىمالداندى. بۇل 2021 جىلدىڭ قاڭتار-اقپانىمەن سالىستىرعاندا 28,8%-عا ارتىق.
سونداي-اق 2022 جىلدىڭ ناۋرىز ايىنىڭ قورىتىندىسى بويىنشا جولاۋشىلار تەمىرجول كولىگى قىزمەتتەرىنىڭ باعاسى كوتەرىلدى. وڭىرلىك تۇرعىدا ەلوردا تۇرعىندارى باعانىڭ ءوسۋىن ەڭ كوپ سەزىندى – جىلىنا 9,8%. العاشقى ۇشتىككە اتىراۋ (جىلىنا پليۋس 5%) جانە اقمولا (پليۋس 4,6%) وبلىستارى كىردى.
مامانداردىڭ زەرتتەۋىنشە, ءتورت وبلىستا – جامبىل, ماڭعىستاۋ, سولتۇستىك قازاقستان جانە تۇركىستاندا باعا ءبىر جىل بۇرىنعى دەڭگەيدە قالدى. ەكى وبلىستا باعا تومەندەدى: شىمكەنتتە 1,5%-عا, قىزىلوردا وبلىسىندا 2%-عا.
