وڭتۇستىك باستوعانداعى سۋ سورعى ستانساسى اۋماعىنا قۇم جينالىپ قالعاندىقتان وبلىس ورتالىعىن سۋمەن ۇزدىكسىز قامتاماسىز ەتۋدە تۋىنداعان قاۋىپ بار. وڭتۇستىك باستوعان وبلىس ورتالىعى حالقىن جانە كاسىپورىنداردى شارۋاشىلىق-اۋىز سۋمەن قامتاماسىز ەتەتىن جالعىز سۋ كوزى.
«پاۆلودار-سۋارناسى» جشس قۇرىلتايشىسى («WEST-كۆازار» جشس), بۇرىن وزەن ساعالارىن قۇمنان تازارتۋ جۇمىستارىمەن اينالىسقان جانە ودان قۇرىلىس ماتەريالدارىن وندىرگەن. جەرگىلىكتى ۇكىمەتتىڭ شەشىمى سالدارىنان بۇگىندە جۇمىسىن توقتاتۋعا ءماجبۇر.
ءباسپاسوز-كونفەرەنتسياسىنا قاتىسۋشىلاردىڭ ايتۋىنشا, بۇل ماسەلەنىڭ ءمان-جايىنان جۇمىس ىستەپ تۇرعان بيزنەستى رەيدەرلىك جولمەن تارتىپ الۋ تالپىنىسىنىڭ دالەلىن بايقاۋعا بولادى.
قازىر قۇم ۇيىندىلەرى كۇننەن كۇنگە ۇلعايىپ كەلەدى, وزەن ارناسىن تازالاۋ جۇمىستارىن جۇرگىزۋ قاجەتتىلىگى تۋىنداپ وتىر. سەبەبى ونىڭ سالدارىنان پاۆلودار قالاسىنا سۋ بەرىلۋى توقتاتىلۋى مۇمكىن. بۇل حالىق تىرشىلىگىن قامتاماسىز ەتۋگە تىكەلەي قاۋىپ تۋدىرادى.
سونىمەن قاتار, بۇگىن ءباسپاسوز ءماسليحاتىندا سپيكەرلەر «WEST-KVAZAR» جشس قىزمەتىنە قاتىستى سوت پروتسەسىندە پاۆلودار وبلىسىنىڭ مامانداندىرىلعان اۋدانارالىق ەكونوميكالىق سوتى سۋدياسىنىڭ پروتسەسسۋالدىق قۇجاتتاردى بۇرمالاۋ فاكتىسى تۋرالى مالىمدەمە جاسايدى. قىزمەتتەگى جالعان فاكتىنى پاۆلودار قالاسىنىڭ مامانداندىرىلعان اكىمشىلىك سوتى راستادى.
