قالالىق دەنساۋلىق ساقتاۋ باسقارماسىنىڭ حابارلاۋىنشا, ەلوردادا اۋرۋدىڭ ءوسۋىن توقتاتقان بەلگىلى ءبىر يممۋندىق قابات قالىپتاسقان.
بۇگىنگى تاڭدا قالاداعى ەپيدەميولوگيالىق جاعداي تۇراقتالدى – كوروناۆيۋرستى ىندەتپەن ينفەكتسيالىق ستاتسيونارلاردا 26 ناۋقاس.
سونداي-اق, باسقارمادا سوڭعى اپتالاردا كوۆيدكە قارسى ەكپە العىسى كەلەتىندەردىڭ سانى ددۇ ماقۇلداعان ۆاكتسينانى قابىلداي الاتىنداردىڭ ءتىزىمىن كەڭەيتۋ ارقاسىندا وسكەنىن اتاپ ءوتتى.
شەتەلگە شىعاتىن ادامدارعا راستايتىن قۇجاتتار ۇسىنىلعان كەزدە كۆي-عا قارسى ۆاكتسيناتسيالاۋدىڭ تولىق كۋرسىن قايتادان جۇرگىزۋگە بولاتىنىن ەسكەرتتى ماماندار.
بۇل رەتتە, ۆاكتسينانى تاڭداۋ ساپارعا شىعۋ جوسپارلانعان ەلدىڭ تالاپتارىنا بايلانىستى جۇرگىزىلەدى. كۆي-عا قارسى سوڭعى ەكپە مەن كۆي-عا قارسى ۆاكتسيناتسيانىڭ قايتالاما تولىق كۋرسى اراسىنداعى ارالىق كەمىندە 3 اي دەپ ۇسىنىلادى.
Pfizer-مەن رەۆاكتسينالاۋ بۇگىن 12 جاستان اسقان بارلىق ازاماتتارعا ۆاكتسيناتسيا ارالىعىن ساقتاي وتىرىپ جۇزەگە اسىرىلادى.
بۇگىندە قالا بويىنشا 109 مىڭنان استام قالا تۇرعىنى رەۆاكتسيناتسيادان ءوتتى. بۇگىنگى كۇنى ەگۋ پۋنكتتەرى العاشقى بۋىن ۇيىمدارىندا (ەمحانادا), سونداي-اق «ابۋ دابي پلازا» سوو جانە «نۇرلى جول» تج ۆوكزالىنداعى (جاڭا) ەگۋ پۋنكتىلەرىندە ورنالاسقان.
