Bus Lane ەسەبىنەن كەپتەلىستە تۇرماي, كەدەرگىسىز جۇرەتىن مارشرۋتتىق جەلى قالىپتاستى, ونى قامتۋ مارشرۋتتاردىڭ ءجۇرۋ ۇزاقتىعىنىڭ 18%-ىن قۇراماق. قوعامدىق كولىككە باسىمدىق بەرۋدىڭ ماڭىزدىلىعىن ءمان بەرىلگەندىكتەن 2015 جىلى ەلوردا كوشەلەرىندە ارنايى بولىنگەن «Bus Lane جولاعى ەنگىزىلە باستادى.
قالالىق قوعامدىق كولىك قاربالاس ۋاقىتتا جەكە كولىكتەرگە قاراعاندا الدەقايدا باسىمدىققا يە. ناتيجەسىندە جولاۋشىلار ۋاقىتىن ۇتىمدى پايدالانا الادى. بۇل قوزعالىس جاعدايىن جاقسارتىپ قانا قويماي, قالا ەكولوگياسىنا جانە جالپى قورشاعان ورتاعا وڭ اسەر ەتەدى.
بولىنگەن جولاقتار قوعامدىق كولىك قوزعالىسىن جىلدامداتۋعا, جول-كولىك وقيعاسى سانىن ازايتۋعا جانە ت.ب. ارنالعان. قوعامدىق كولىكتىڭ كەدەرگىسىز ءوتۋىن قامتاماسىز ەتۋدەن باسقا, بۇل جوبا رەسمي تاكسي مەن ارنايى قىزمەتتەر ءۇشىن دە ءتيىمدى. ونىڭ ىشىندە جەدەل جاردەم كولىكتەرى مەن ءورت ءسوندىرۋ تەحنيكالارىنىڭ وقيعا ورنىنا جىلدام جەتۋىنە وڭ اسەر ەتەدى.
«Bus Lane» ەنگىزۋ قوعامدىق كولىكتىڭ جۇمىسىن جاقسارتۋعا مۇمكىندىك بەردى.
بۇگىنگى تاڭدا ەلوردادا جالپى ۇزىندىعى 73,6 كم بولاتىن 26 كوشە ۋچاسكەسىندە Bus Lane ەنگىزىلدى.
وسى شارالار ەسەبىنەن Bus Lane بويىنشا قوعامدىق كولىك قوزعالىسىنىڭ تيىمدىلىگى 25%-عا جەتەدى, ونىڭ ىشىندە جول ءجۇرۋ ۋاقىتى ورتا ەسەپپەن 10 مينۋتقا قىسقاردى.
2021 جىلى Bus Lane ارنايى جولاقتارى تۇران, قابانباي باتىر, ۇلى دالا, بايتۇرسىنوۆ, ناجىمەدەنوۆ, تۇركىستان, مۇحامەدحانوۆ جانە ابىلاي حان كوشەلەرى مەن داڭعىلدارىنىڭ 8 ۋچاسكەسىندە ەنگىزىلگەن.
سونىمەن قاتار, مەملەكەت باسشىسى كولىك كوپ جۇرەتىن قاربالاس ۋاقىتتاردان بولەك جانە دەمالىس كۇندەرى قوعامدىق كولىكتەرگە ارنالعان جولاقتار بويىنشا جەكە كولىك يەلەرىنىڭ دە ءجۇرۋ مۇمكىندىگىن پىسىقتاۋدى تاپسىردى. وسىعان وراي تاپسىرمانى ورىنداۋ ءۇشىن 2021 جىلعى 29 تامىزدا ابىلاي حان داڭعىلى بويىنشا پۋشكين كوشەسىنەن ماناس كوشەسىنە دەيىنگى ۋچاسكەدە Bus Lane ىسكە قوسىلىپ, ونىڭ جۇمىس ىستەۋ ۋاقىتى بەلگىلەندى. سونىمەن, جەكە كولىك يەلەرىنە اۆتوبۋس جولاعىمەن تاڭعى ۋاقىتتا 07.30-دان 9.30-عا دەيىن جانە كەشكى ۋاقىتتا 17.00-دەن 20.00-گە دەيىن جۇرۋگە تىيىم سالىنادى. ال قالعان ۋاقىتتا اۆتوبۋس جولاعىمەن جۇرۋگە رۇقسات بەرىلەدى. بۇل شەكتەۋ پيلوتتىق جوبا شەڭبەرىندە ەنگىزىلۋدە.
بۇگىنگى تاڭدا قوعامدىق كولىك جەلىسىنە 1 400-دەن استام جۇرگىزۋشى, 95 مارشرۋت, 886 اۆتوبۋس كەستەسى قىزمەت كورسەتەدى. كۇن سايىن قوعامدىق كولىكتە 600 000 ساپار جاسالادى.
قازىرگى ۋاقىتتا جۇرگىزىلگەن ءىس-شارالار قوعامدىق كولىك قوزعالىسى ءۇشىن بولىنگەن جولداردى ۇيىمداستىرۋدىڭ تەحنيكالىق-ەكونوميكالىق تيىمدىلىگىن كورسەتەدى.
