«مەملەكەت باسشىسىنىڭ تاپسىرماسىنا سايكەس ءبىزدىڭ مينيسترلىك كاسىپورىنداردىڭ سۇرانىسى بويىنشا كادرلاردى ماقساتتى دايارلاۋعا كوشتى. بۇل ءۇشىن كاسىپورىن كوللەدجبەن ماقساتتى دايىندىق تۋرالى شارت جاساسادى. وسىلايشا كاسىپورىن ءوز بازاسىندا پەداگوگتەر مەن ستۋدەنتتەردىڭ پراكتيكاسىن ۇيىمداستىرۋ, تۇلەكتەردى جۇمىسقا ورنالاستىرۋ مىندەتىن وزىنە الادى. اتالعان شارا بولاشاق كادردىڭ جۇمىس بەرۋشىنىڭ تالاپتارىنا سايكەس بولۋىن قامتاماسىز ەتەدى. سەبەبى ولار ءبىلىم بەرۋ باعدارلامالارىن ازىرلەۋگە قاتىسادى. سونداي-اق, ستۋدەنتتەن قورىتىندى ەمتيحان قابىلداپ, پراكتيكادان وتكىزىپ, وقۋدى بىتىرگەننەن كەيىن جۇمىسقا الادى», دەپ ءتۇسىندىردى ناسىمجان وسپانوۆا.
ايتا كەتسەك, بيىل كوللەدجدەرگە قۇجات قابىلداۋ 20 ماۋسىمنان باستالادى.
«وسى جىلدىڭ وزىندە كاسىپورىنداردىڭ ماقساتتى تاپسىرىسى بويىنشا 10 مىڭنان استام تالاپكەردى قامتۋ جوسپارلانىپ وتىر. ءار تالاپكەر 4 ماماندىق پەن 4 كوللەدجدى تاڭداي الادى. پەداگوگيكالىق ماماندىقتارعا ءتۇسۋ ءۇشىن 4 باللعا دەيىن شەكتى بال جانە ەسسە جازۋ تالابى ساقتالعان», دەپ قوستى ول.
