«رەسپۋبليكانىڭ باسىم بولىگىندە انتيتسيكلوننىڭ اسەرىنەن جاۋىن-شاشىنسىز اۋا رايى بولۋى مۇمكىن. تەك ەلدىڭ سولتۇستىگى مەن شىعىسىندا سولتۇستىك-باتىس تسيكلوننىڭ اسەرىنەن جاڭبىر مەن قار تۇرىندە جاۋىن-شاشىن جاۋادى. قر بويىنشا تۇمان, جەلدىڭ كۇشەيۋى, سولتۇستىكتە, شىعىستا – بۇرقاسىن, كوكتايعاق, وڭتۇستىك-باتىستا شاڭدى داۋىل بولادى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, سولتۇستىك قازاقستان وبلىسىندا جەلدىڭ كۇشەيۋى مۇمكىن, بۇرقاسىن سوعىپ, كوكتايعاق بولادى.
قوستاناي وبلىسىنىڭ سولتۇستىگىندە بۇرقاسىن, كوكتايعاق بولادى.
اقمولا وبلىسىنىڭ وڭتۇستىگىندە, شىعىسىندا, باتىسىندا كوكتايعاق, تۇمان بولىپ, جەل كۇشەيەدى.
ماڭعىستاۋ وبلىسىنىڭ شىعىسىندا, ورتالىعىندا شاڭدى داۋىل سوعىپ, جەل كۇشى 15-20 م/س جەتەدى.
باتىس قازاقستان وبلىسىنىڭ سولتۇستىگىندە تۇمان ءتۇسىپ, كۇندىز وبلىستىڭ سولتۇستىك-شىعىسىندا جەلدىڭ جىلدامدىعى 15-20 م/س دەيىن جەتەدى.
اقتوبە وبلىسىنىڭ شىعىسىندا تۇمان ءتۇسىپ, تۇندە وبلىستىڭ سولتۇستىگىندە جەل بولادى.
الماتى وبلىسىنىڭ سولتۇستىك-شىعىسىندا جەل كۇشى 15-20, ەكپىنى 25 م/س جەتىپ, تۇندە جانە تاڭەرتەڭ وبلىستىڭ تاۋلى اۋداندارىندا تۇمان تۇسەدى.
جامبىل وبلىسىنىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا جەل 15-20, كەي ۋاقىتتاردا 23 م/س دەيىن كۇشەيەدى, تۇندە جانە تاڭەرتەڭ وبلىسىنىڭ وڭتۇستىگىندە, سولتۇستىك-شىعىسىندا, تاۋلى اۋداندارىن تۇمان باسادى.
شىعىس قازاقستان وبلىسىنىڭ باتىسىندا, وڭتۇستىگىندە, ورتالىعىندا جەل 15-20 م/س, تۇندە وبلىستىڭ سولتۇستىك-شىعىسىندا, شىعىسىندا تۇمان تۇسەدى.
پاۆلودار وبلىسىنىڭ باتىسىندا, سولتۇستىگىندە جەلدىڭ جىلدامدىعى 15-20 م/س دەيىن كۇشەيەدى.
اتىراۋ وبلىسىنىڭ باتىسىندا تۇمان تۇسەدى.
