فوتوگالەرەيا • 30 ناۋرىز، 2022

جىل باسىنىڭ قۇسى

281 رەت كورسەتىلدى

اقپاننىڭ سوڭعى كۇنى. الماتىعا تاعى دا قار جاۋىپ ءوتتى. ءبىز تۇرعان ءۇي ارتىنداعى اعاشتاردىڭ سيدام بۇتاقتارىندا اپپاق قار تۇرىپ قالعان.

تاڭەرتەڭ ءتورتىنشى قاباتتاعى تەرەزەدەن بيىك اعاشتىڭ اشاسىنداعى ۇيادا جۇدىرىقتاي ءبىر قۇستى كورىپ قالدىم. الگى قۇس ۇياعا باۋىرىن باسىپ جايعاسىپ العان. العاشقىدا اسا ءمان بەرگەنىم جوق. تۇستەن كەيىن ونى تاعى كوردىم. ۇياسىنان تاپجىلماپتى. كەنەت قاسىنا سول سەكىلدى تاعى ءبىر قۇس ۇشىپ كەلدى دە، ۇياداعىنىڭ اۋزىنا جەم سالدى. قاسىندا از-كەم تۇردى دا تاعى ۇشىپ كەتتى. سوندا عانا ۇشقان قۇستىڭ اتالىق، ۇياداعىنىڭ انالىق ەكەنىن اڭعاردىم. بايقايمىن، كۇنۇزاققا ورنىنان قوزعالماعان انالىق جۇمىرتقا باسىپ جاتقان سەكىلدى. بىراق مەنى تاڭعالدىرعانى ءالى ماي توڭاتىنداي بەيمەزگىل سالقىن كەزدە قۇستىڭ كۇرىك بولعانى.

 

ا

فوتواپپاراتىمدى الىپ، تەرەزەدەن سۋرەتىن تارتىپ الدىم. ناۋرىزدىڭ ون ەكىسى كۇنى الگى قۇستىڭ قاناتىنىڭ استىنان ءۇش سارىاۋىز بالاپاننىڭ باسى قىلتيىپ كورىندى. ومىرگە كەلگەن جىل قۇسى ما دەرسىڭ. اتالىق قۇس اۋىق-اۋىق ۇشىپ كەلىپ ولاردى جەمدەپ جاتىر. ناۋرىزىڭ 22-ءسى كۇنى انالىق قۇس تەز جەتىلگەن بالاپاندارىن ۇياسىنان بىرىنەن سوڭ ءبىرىن شىعارا باستادى. بالاپاندار ءالى ءبۇر جارماعان بۇتاقتا قاناتتارىن قاعىپ ۇشۋعا تالپىنۋدا.

ا

ەرتەڭىنە قاراسام ۇيا بوس قالىپتى. «كۇن جىلىماي جاتىپ، جۇمىرتقالاپ، بالاپان اشقان بۇل قانداي قۇس؟» دەپ ورنيتولوگتەردىڭ جازبالارىن عالام­توردان ىزدەستىرە باستادىم. ورني­تولوگتەر بۇل قۇستى ماينا ساۋىس­قانى دەپ اتاپتى. لاتىنشا اتاۋى – Acri­dotھeres tristis. ەلۋىنشى جىلدىڭ با­سىندا وزبەكستاننىڭ وڭتۇستىگى مەن تۇرىكمەنستاننىڭ سولتۇستىك بولىگىنەن اكەلىپ جەرسىندىرىلگەن ەكەن. ازىرگە جالپى سانى 3 مىڭداي عانا كورىنەدى. سول جىلى جاقتاردا وسى كەزدە-اق بالاپان شى­عاراتىنىن حاباردار ەتىپتى. قۇس ەكەش قۇس تا بولمىس-تابيعاتىنا تارتىپ، ءبىزدىڭ جاق­­تاعى كۇننىڭ سالقىندىعىنا قاراماي جىل باسى ناۋرىزدا بالاپان ۇشىرعانىن قاراشى! ەندى تاڭدانىپ، تاڭىرقاماي گور!

م

4

ءال-مۇحيت ادىربەك، اۋەسقوي فوتوسۋرەتشى

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار