پوليتسيا دەپارتامەنتىنىڭ حابارلاۋىنشا كەشە ساعات 20:10 شاماسىندا «لادا» ماركالى اۆتوكولىكتىڭ 26 جاستاعى جۇرگىزۋشىسى قارقارالى تاس جولى بويىمەن قوسشى قالاسى جاعىنان قابانباي باتىر داڭعىلىنا قاراي ءجۇرىپ كەلە جاتىپ, اۋا-رايىن ەسكەرمەي, 41 جاستاعى جۇرگىزۋشىنىڭ باسقارۋىمەن «فولكسۆاگەن» ماركالى اۆتوكولىگىمەن سوقتىعىسقان. اتالعان جاعداي سالدارىنان كولىكتەردىڭ كەپتەلىسى مەن جولدىڭ ناشار كورىنۋىنەن تاعى ءتورت كولىك سوقتىعىسقان.
سونداي-اق, كەشە «Shacman» اۆتوكولىگىنىڭ جۇرگىزۋشىسى تالاپكەر اۋىلى جاعىنان استراحان تاس جولىمەن ءجۇرىپ بارا جاتىپ, ءرولدى باسقارا الماي, باسقا «Shacman» اۆتوكولىگىمەن سوقتىعىسقان. وسىدان كەيىن تاعى ءۇش كولىك سوقتىعىسقان.
«نۇر-سۇلتان قالاسىنىڭ پوليتسيا دەپارتامەنتى اۋا-رايىنىڭ كۇردەلى جاعدايى مەن تەمپەراتۋرانىڭ تومەندەۋىن, سونداي-اق كوكتايعاقتى ەسكەرە وتىرىپ وتە مۇقيات بولۋدى, بەلگىلەنگەن جىلدامدىق رەجيمىن قاتاڭ ساقتاۋدى, كۇرت تەجەۋگە جۇگىنبەۋدى, قاشىقتىق پەن بۇيىرلىك ارالىقتى ساقتاۋدى ەسكەرتەدى.
جۇرگىزۋشىلەرگە عانا ەمەس, جاياۋ جۇرگىنشىلەرگە دە, ءجۇرىس بولىگىنە دە كولىكتىڭ توقتاپ تۇرعانىنا كوز جەتكىزىپ, بەلگىلەنگەن جەرلەردەن عانا ءوتۋى كەرەك», دەلىنگەن حابارلامادا.
