كۋكساروي رەزيدەنتسياسىندا شاۆكات ميرزيوەۆ پەن رەجەپ تايىپ ەردوعاننىڭ شاعىن قۇرامداعى كەلىسسوزدەرى ءوتتى.
ەكى ەل باسشىلارى ءوزارا سىيلاستىق, دوستىق جانە سەنىمگە نەگىزدەلگەن كوپ قىرلى وزبەك-تۇرىك ىنتىماقتاستىعىن ودان ءارى دامىتۋ جونىندە پىكىر الماستى.
كەلىسسوزدەر بارىسىندا ەكى ەل اراسىنداعى ستراتەگيالىق ارىپتەستىك قاتىناستارىنىڭ دەڭگەيىن كوتەرۋ, ساياسي, پارلامەنتارالىق, ساۋدا-ەكونوميكالىق جانە مادەني-گۋمانيتارلىق بايلانىستاردى تەرەڭدەتۋ ماسەلەلەرىنە باستى نازار اۋدارىلدى.
شاۆكات ميرزيوەۆ پەن رەجەپ تايىپ ەردوعان وزبەكستان مەن تۇركيا اراسىنداعى ىنتىماقتاستىقتىڭ ماڭىزدى باعىتى بىرلەسكەن جوبالار مەن باعدارلامالاردى جۇزەگە اسىرۋ ارقىلى ساۋدا-ەكونوميكالىق جانە ينۆەستيتسيالىق بايلانىستاردى ودان ءارى كەڭەيتۋ ەكەنىن اتاپ ءوتتى.
