ونىڭ ايتۋىنشا, مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ «ەلدىڭ اكىمشىلىك-اۋماقتىق قۇرىلىسىن جەتىلدىرۋ» باعىتىندا 5 ءىس-شارا ىسكە اسىرىلادى.
«بۇگىنگى كۇنى مينيسترلىك اباي, جەتىسۋ جانە ۇلىتاۋ وبلىستارىن قۇرۋ بويىنشا جۇمىستى باستاپ كەتتى. وسى جىلعى 25 ناۋرىزدا پرەمەر-ءمينيستردىڭ وكىمىمەن اتالعان وبلىستاردى قالىپتاستىرۋ ءۇشىن كوميسسيا قۇرىلدى. كوميسسيانىڭ مىندەتى - جاڭا وڭىرلەردى قۇرۋ بويىنشا جۇرگىزىلىپ جاتقان جۇمىس اياسىندا مەملەكەتتىك ورگاندادىڭ ۆەدومستۆوارالىق ءوزارا ءىس-قيمىلىن قامتاماسىز ەتۋ», دەدى ول.
سونداي-اق مينيستر جاۋاپتى ورىنداۋشىلاردى جانە ىسكە اسىرۋ مەرزىمدەرىن كورسەتە وتىرىپ, «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى» پرەزيدەنت جارلىعىن قابىلداۋ جونىندەگى جۇمىس الگوريتمى ازىرلەنگەنىن ايتتى.
«الگوريتم ۇيىمداستىرۋشىلىق-دايىندىق جانە جەدەل ءىس-شارالار تىزبەسىن قامتيدى. الگوريتم اتالعان وبلىستار اكىمدىكتەرىنىڭ نازارىنا جەتكىزىلدى. جالپى العاندا, اباي, جەتىسۋ جانە ۇلىتاۋ وبلىستارىن قۇرۋدى كوزدەيتىن «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسىنىڭ كەيبىر ماسەلەلەرى تۋرالى» پرەزيدەنت جارلىعىنىڭ جوباسى وسى جىلى, جاقىن ارادا پرەزيدەنت اكىمشىلىگىنە ەنگىزىلەدى», دەدى الىبەك قۋانتىروۆ.
