40 شاقتى شاعىن كاسىپورىن تاۋارلارىن ەكسپورتتاۋدى مەڭگەردى

وسى جوبانى ىسكە اسىرعان حالىقارالىق ساۋدا ورتالىعى (حسو) وڭىرلىك ءىس-شارادا ەكسپورتتى باسقارۋدى وقىتۋ جونىندەگى باستامانىڭ (EMCI) قانداي ناتيجە بەرگەنىن كورسەتۋ ءۇشىن قورىتىندى ءىس-شارا ۇيىمداستىردى.

EMCI بيزنەسى بارلارعا ەكسپورتتىق وپەراتسيالاردى باسقارۋدا تۋىندايتىن كۇندەلىكتى ماسەلەلەردى شەشۋگە كومەكتەسەدى. باستاما وندىرىستەن قول ۇزبەي، بەنەفيتسيارلار اۋماعىندا جۇرگىزىلەتىن جەكە وقىتۋدان تۇرادى. قازىرگە ورتالىق ازيانىڭ بارلىق بەس ەلىندەگى 212 كاسىپورىن باستاما اياسىندا بەرىلگەن قۇرالداردى، ءبىلىم مەن تەحنيكالىق كومەكتى پايدالانعان. اتالمىش جوبانىڭ قازاقستانداعى ۇلتتىق سەرىكتەستەرى – «QazTrade ساۋدا ساياساتىن دامىتۋ ورتالىعى» اق مەن قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى.

وتكەن جىلى دا EMCI باستاماسىن ۇيلەستىرۋدى باسقارعان حسو-نىڭ ساۋداعا جاردەمدەسۋ جونىندەگى كەڭەسشىسى وگيۋستەن بارە: «COVID-19 پاندەمياسىنىڭ ورتالىق ازيا ەكونوميكاسىنا اسەرى ۇلكەن بولدى جانە ونىڭ الداعى جىلدارى ودان ءارى دامۋى مەن ءارتاراپتاندىرىلۋىنا اۋىر زارداپتار اكەلەدى. قالپىنا كەلتىرۋ وڭىردەگى جاھاندىق الەۋمەتتىك-ەكونوميكالىق لاندشافتتىڭ نەگىزى بولىپ قالا بەرەتىنىن ەسكەرە وتىرىپ، شوك كۇشى مەن تۇراقتىلىعىنا نەگىزدەلەدى»، دەيدى.

«وسى تۇرعىدا Ready4Trade جوباسى شەڭبەرىندە ەكسپورتتى باسقارۋدى وقىتۋ باستاماسى ەڭ ماڭىزدى كەزەڭگە سايكەس كەلىپ وتىر. بۇل باستاما وڭىردەگى ەكسپورتتاۋشىلاردىڭ ساۋداداعى كەيبىر نەگىزگى كەدەرگىلەرىن جويۋعا ىقپال ەتەدى ءارى ەكسپورتتى باسقارۋ تۋرالى جالپى بىلىمدەرىن جاقسارتتى»، دەيدى وگيۋستەن بارە.

الماتىدا وتكەن وڭىرلىك ءىس-شارادا 2021 جىل ىشىندە ىسكە اسىرىلعان كوۋچينگتىك ميسسيالاردى وتكىزۋدەن الىنعان ساباقتار كورسەتىلدى. سونداي-اق، قاتىسۋشىلار كورمەدە ۇسىنىلعان بەنەفيتسيارلاردىڭ تاۋارلارىمەن جاقىنىراق تانىسۋعا مۇمكىندىك الدى. ءىس-شاراعا قاتىسۋشىلار EMCI-ءدى وڭىرگە بەيىمدەۋ جانە بولاشاقتا جوبانىڭ تۇراقتىلىعىن قامتاماسىز ەتۋ بويىنشا ءوز باقىلاۋلارى مەن ۇسىنىستارىمەن ءبولىستى.

مىسالى، 2021 جىلى قازاقستاننىڭ سىرتقى ساۋدا اينالىمى 60،3 ميلليارد دوللاردان اسقان. تاۋارلاردىڭ باسىم بولىگىن قازاقستان ەۋروپاعا ەكسپورتتادى - 25،2 ملرد دوللار، بۇل ەكسپورتتىڭ جالپى كولەمىنىڭ 41،8% - ىن قۇرايدى.

Ready4Trade ورتالىق ازيانىڭ بەس ەلىندە وڭىرىشىلىك جانە حالىقارالىق ساۋدانى دامىتۋدى قولداۋعا باعىتتالعان. 4 جىلدىق باستاما ەو قارجىلاندىراتىن ءىرى باعدارلامانىڭ ساۋدا كومپونەنتى بولىپ تابىلادى، ول ينۆەستيتسيالاردى، باسەكەگە قابىلەتتىلىكتى جانە ساۋدانى قولداۋعا باعىتتالعان، وسىلايشا وڭىردەگى تۇراقتى جانە ينكليۋزيۆتى ەكونوميكالىق دامۋعا ىقپال ەتەدى. Ready4Trade جوباسىن ەۋروپالىق وداق قارجىلاندىرادى جانە حالىقارالىق ساۋدا ورتالىعى ىسكە اسىرادى.

الماتى