قازاقستاندىق تەننيسشى گەرمانيالىق الەكساندر زۆەرەۆپەن بىرگە شيرەك فينالدا امەريكالىقتار تەيلور فريتس – توممي پولمەن شەبەرلىك بايقاستى.
قازاقستاندىق-امەريكالىق جۇپ 6:4, 7:6 (7:3) ەسەبىمەن جەڭىسكە جەتتى. ولار ساعات جارىمعا جۋىق ۋاقىتقا سوزىلعان ماتچ بارىسىندا 6 ەيس جاساپ, 4 برەيك-پوينتتىڭ بىرەۋىن پايدالاندى. قارسىلاستارى 6 ەيسكە قول جەتكىزگەنىمەن, 5 برەيك-پوينتتى ءمۇلت جىبەردى.
ا.گولۋبەۆ پەن ا.زۆەرەۆ جارتىلاي فينالدا امەريكالىقتار دجون يزنەر – دجەك سوك نەمەسە يسپانيالىق فيليسيانو لوپەس – گرەكيالىق ستەفانوس تسيتسيپاس جۇپتارىنىڭ قاي جەڭگەنىمەن كەزدەسەدى.
اندرەي گولۋبەۆ وسىعان دەيىن جەكەلەي جانە جۇپتىق سىندا ماستەرس جارىستارىندا جارتىلاي فينالدا ويناماعان ەدى.
