جوبانى قر ءبىلىم جانە عىلىم مينيسترلىگى قارجىلاندىرادى. ول قازىردىڭ وزىندە نۇر-سۇلتان مەن الماتى قالالارىنداعى, سونداي-اق سولتۇستىك قازاقستان, شىعىس قازاقستان, تۇركىستان, اقمولا وبلىستارىنداعى 17 مەملەكەتتىك جانە جەكەمەنشىك ەمحانادا ەنگىزىلگەن.
بىرەگەي سكرينينگ جۇيەسىن ازىرلەۋشى ەركەبۇلان جانىبەك ۇلىنىڭ ايتۋىنشا, كوز ءتۇبىن سۋرەتكە ءتۇسىرۋدىڭ جاڭا تسيفرلىق ءادىسى وفتالموسكوپتىڭ كومەگىمەن كوز ءتۇبىن تەكسەرۋدىڭ قولمەن جاسالاتىن ادىسىنە قاراعاندا وبەكتيۆتى بولىپ ەسەپتەلەدى. سونداي-اق ول دارىگەر مەن پاتسيەنتتىڭ ۋاقىتىن جانە قاراجاتىن ۇنەمدەيدى.
عالىم ەركەبۇلان جانىبەك ۇلىنىڭ ايتۋىنشا, جۇيە دياگنوستيكادا جاڭا ءتاسىلدى كوزدەيدى. ەندى ناۋقاستىڭ كوز ءتۇبىن سۋرەتكە ءتۇسىرۋدى شالعاي اۋىلدىق ەلدى مەكەندەگى مەديتسينالىق پەرسونال جۇرگىزە الادى, ال اۋدان نەمەسە وبلىس ورتالىعىنداعى وفتالمولوگ دارىگەر قاشىقتان قورىتىندى جاساي الادى. سونىمەن قاتار جاساندى ينتەللەكت الگوريتمى ديابەتتىك رەتينوپاتيانىڭ بولۋىن, ونىڭ ساتىسىن جوعارى دالدىكپەن انىقتايدى جانە كوز ءتۇبىنىڭ تولىق سيپاتتاماسىن بەرەدى. ديابەتتىك رەتينوپاتيا – قانت ديابەتىنىڭ اسقىنۋى جانە ول تولىق سوقىرلىققا اكەلۋى مۇمكىن. سول سەبەپتى اۋرۋدى ەرتە كەزەڭدە انىقتاۋ وتە ماڭىزدى. ءبىزدىڭ جۇيەدەگى جاساندى ينتەللەكت الگوريتمىنىڭ دالدىگى 91%-دى قۇرايدى.
باعدارلامانىڭ تاعى ءبىر ەرەكشەلىگى – دارىگەردىڭ قورىتىندىسى EyeLab پلاتفورماسى مەن Damumed مەديتسينالىق اقپاراتتىق جۇيەسىن بىرىكتىرۋ ارقىلى پاتسيەنتتىڭ ەلەكتروندى دەنساۋلىق پاسپورتىنا تىركەلەدى. الداعى ۋاقىتتا پلاتفورمانى ەنگىزىلۋ ارقىلى ديابەتتىك رەتينوپاتيانىڭ سكرينينگتىك پروتسەدۋراسىن تولىعىمەن تسيفرلاندىرۋ جوسپارلانىپ وتىر.
