ايماقتار • 14 ناۋرىز، 2022

الماتى اكىمدىگىنىڭ عيماراتى قاشان جوندەلىپ بولادى

84 رەت كورسەتىلدى

قازاقستان پرەمەر-ءمينيسترىنىڭ ءبىرىنشى ورىنباسارى رومان سكليار الماتى اكىمدىگى عيماراتىنىڭ قايتا جاڭعىرتىلۋى قاشان اياقتالاتىنىن ايتتى، دەپ حابارلايدى Egemen.kz.

«ەلەۋلى زاقىمداردى ەسكەرە وتىرىپ، الماتى اكىمدىگى مەن «قازاقستان» ترك عيماراتتارىن رەكونسترۋكتسيالاۋ 2022 جىلدىڭ قازان ايىندا اياقتالادى دەپ جوسپارلانۋدا»، دەدى رومان سكليار.

ونىڭ ايتۋىنشا، تارتىپسىزدىك بارىسىندا 1 630 شوب سۋبەكتىسىنىڭ مۇلكى زارداپ شەگىپ، كەلتىرىلگەن شىعىن سوماسى 38،6 ملرد تەڭگەنى قۇرادى. ءتيىستى تولەمدەر ۇكىمەتتىڭ رەزەرۆىنەن، سونداي-اق جەكە قورلاردان تولەنەدى.

11 ناۋرىزداعى جاعداي بويىنشا وڭىرلىك كوميسسيالار 1 630-دان 1 192 ءوتىنىمدى ماقۇلدادى. قالعان كاسىپكەرلەر باعالاۋ راسىمدەرى اياقتالعاننان كەيىن وتەم الادى.

سونىمەن قاتار بارلىق شوب سۋبەكتىلەرىنە قولداۋ كورسەتىلدى:

  • مەملەكەتتىك م ۇلىكتى جالداۋ اقىسىنان بوساتۋ;
  • جەكە جانە زاڭدى تۇلعالاردىڭ قارىزدارى بويىنشا تولەمدەردى كەيىنگە قالدىرۋدى ۇسىنۋ;
  • قارىز الۋشىلار بويىنشا تالاپ-ارىز جۇمىستارىن جانە مەرزىمى وتكەن بەرەشەكتى وتەۋ قاجەتتىلىگى تۋرالى قارىز الۋشىنىڭ حابارلامالارىن توقتاتا تۇرۋ;
  • سالىقتار مەن تولەمدەردى تولەۋ مەرزىمدەرىنىڭ وزگەرۋى;
  • مەملەكەتتىك كىرىس ورگاندارى باستاعان جانە باستاماشىلىق جاساعان سالىقتىق جانە كەدەندىك تەكسەرۋلەردى توقتاتا تۇرۋ جانە كامەرالدىق باقىلاۋ بويىنشا حابارلامالاردى ۇسىنباۋ.
سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار