مىسالى, 2021 جىلدىڭ ەكىنشى جارتىجىلدىعىندا شوتتار سانى نەبارى 18,9%-عا وسكەن. قوسالقى شوتتاردىڭ كوپشىلىگى جەكە تۇلعالارعا ارناعان. 1 اقپاننان بەرى ولاردىڭ سانى 69 مىڭعا كوبەيگەن.
«جەكە كليەنتتەردىڭ بازاسىن ۇلعايتۋ ءۇشىن بروكەرلەر تسيفرلاندىرۋ قۇرالدارىن بەلسەندى تۇردە پايدالانۋدا. بۇل قۇرالدار بيومەتريالىق دەرەكتەردى پايدالانا وتىرىپ, كليەنتتەردى قاشىقتان سايكەستەندىرۋگە جانە ولار ءۇشىن ونلاين رەجىمدە, سونىڭ ىشىندە باسقا ۇيىمداردىڭ دەرەكقورلارىمەن بىرىكتىرۋ ارقىلى جەكە شوت اشۋعا مۇمكىندىك بەرەدى», دەپ تۇسىندىرەدى ورتالىق دەپوزيتاريدىڭ باسقارما توراعاسى ءادىل مۇحامەدجانوۆ.
ايتا كەتسەك, كەيىنگى ايلاردا 18-24 جاس ارالىعىنداعى بروكەرلىك شوت يەلەرىنىڭ سانى ەكى ەسەگە ءوسىپ, 50 مىڭنان استى. اقپان ايىندا جاس ينۆەستورلاردىڭ ۇلەسى 17,8%-دى قۇراعان. بۇل قاڭتار ايىمەن سالىستىرعاندا 6,5%-عا ارتىق.
كامەلەتكە تولماعانداردىڭ اتىنا اشىلعان دەلدالدىق شوتتار دا بار, الايدا ولاردىڭ ۇلەسى ءالى دە 0,1%-دان اسپايدى.
