وسىعان دەيىن قازاقستان بويىنشا بالاباقشالار مەن مەكتەپتەردە 46 ينكليۋزيانى قولداۋ كابينەتىن اشىپ, اۋتيزم جانە دامۋىندا باسقا دا ەرەكشەلىكتەر بار 600-دەن اسا بالانىڭ مەكتەپكە بارۋىنا جاعداي جاساعان «بولاشاق» كورپوراتيۆتىك قورى ەرەكشە بالالارمەن جۇمىس ىستەيتىن ماماندارعا ارنالعان ادىستەمەلىك كىتاپ شىعاردى. ورىسشادان اۋدارىلىپ باسىلعان بۇل قۇرال اتا-انالارعا, دەفەكتولوگ, لوگوپەد, پسيحولوگ, پەداگوگتەرگە ۇسىنىلعان. تۇپنۇسقادا «وسوبىە دەتي. ۆۆەدەنيە ۆ پريكلادنوي اناليز پوۆەدەنيا (اۆا): پرينتسيپى كوررەكتسي پروبلەمنوگو پوۆەدەنيا ي ستراتەگي وبۋچەنيا دەتەي س راسسترويستۆامي اۋتيستيچەسكوگو سپەكترا ي درۋگيمي وسوبەننوستيامي رازۆيتيا» دەپ اتالاتىن كىتاپ كەزىندە مىنەز-ق ۇلىقتى قولدانبالى تالداۋدىڭ نەگىزگى قاعيدالارىن ەگجەي-تەگجەيلى باياندايتىن ورىس تىلىندەگى العاشقى وقۋ قۇرالى بولدى. ەندى قازاقتىلدى سەگمەنتتە دە العاشقى ادىستەمەلىك وقۋلىق بولىپ تۇر. وندا دامۋىندا ەرەكشەلىگى بار بالالاردى ۇيرەتۋدىڭ بلوكتار ءادىسى, تاپسىرمالاردى قاداممەن تالداۋ, تابيعي ورتادا ۇيرەتۋ, شەيپينگ سەكىلدى باسقا دا ستراتەگيالارى سيپاتتالعان. كىتاپتىڭ اۆتورلارى يۋليا ەرتس جانە ولگا مەلەشكەۆيچ – سەرتيفيكاتتالعان مىنەز-ق ۇلىق تالداۋشىلارى, مىنەز-ق ۇلىقتى قولدانبالى تالداۋدىڭ كەڭەسشىلەرى, مىنەز-قۇلىقتى قولدانبالى تالداۋ ادىستەرى مەن ستراتەگيالارىن قولدانۋ سالاسىنداعى وقىتۋشىلار. ولار اقش, يزرايل, رەسەي, ۋكراينا, گرۋزيا, قازاقستان جانە باسقا ەلدەردەگى مىنەز-ق ۇلىق ماماندارىنىڭ تاجىريبەسىنە جەتەكشىلىك ەتەدى.
كىتاپتى اۋدارىپ باسۋعا «شەۆرون» كومپانياسى دەمەۋشىلىك كورسەتكەن. «بولاشاق» قورى اتالعان كومپانيانىڭ قولداۋىمەن كىتاپتىڭ 3 مىڭ داناسىن ەرەكشە بالالارمەن جۇمىس ىستەيتىن پەداگوگتەرگە, ءبىلىم بەرۋ, دەنساۋلىق ساقتاۋ, الەۋمەتتىك قورعاۋ ماماندارىنا تەگىن تاراتپاق. سونىمەن قاتار كىتاپ جوعارى وقۋ ورىندارىنىڭ ارنايى پەداگوگيكا جانە پسيحولوگيا كافەدرالارىنا, سونداي-اق قازاقستان رەسپۋبليكاسىنىڭ ۇلتتىق اكادەميالىق كىتاپحانالارىنا تاراتىلادى.
«بولاشاق» قورى قامقورشىلىق كەڭەسىنىڭ ءتورايىمى دينارا گاپلان: «وسىنداي كىتاپتاردى اۋدارۋ ارقىلى قازاق ءتىلدى ماماندارعا الەمدىك عىلىمي قوعامداستىق مويىنداعان تۇزەتۋ پەداگوگيكاسىنىڭ وزىق ادىستەرىنە قول جەتكىزۋگە مۇمكىندىك بەرەمىز. دەمەك قازاقستاندا ەرەكشە بالالارمەن جۇمىس ىستەۋدىڭ تيىمدىلىگىن ارتتىرۋ ءۇشىن اناعۇرلىم كوپ جاعداي جاسالادى. كىتاپپەن جۇمىس كەزىندە مىنەز-ق ۇلىقتى قولدانبالى تالداۋدىڭ كەيبىر ءتول تەرميندەرى اعىلشىن جانە ورىس تىلدەرىنەن العاش رەت قازاق تىلىنە اۋدارىلدى. وسى ارقىلى ينكليۋزيا سالاسىندا قازاقتىلدى ساپالى ادەبيەتتىڭ نەگىزىن قالاپ وتىرمىز. قور بۇل باعىتتاعى جۇمىسىن جالعاستىرادى. قازىرگى ۋاقىتتا ەرەكشە قاجەتتىلىكتەرى بار بالانىڭ داعدىلارىن باعالاۋعا ارنالعان ABLLS-R قۇرالىن اعىلشىن تىلىنەن قازاق تىلىنە اۋدارۋمەن اينالىسىپ جاتىرمىز», دەدى.
كىتاپتىڭ تۇساۋكەسەرىنەن كەيىن وقۋلىقتى قولعا الىپ كوردىك. بايقاعانىمىز, تەك تەوريامەن شەكتەلمەي, پراكتيكالىق جۇمىستاردى كوپتەپ قوسقان. جانە ءار بولىمدە بەكىتۋ ۇسىنىلىپتى. ماماندارعا, اتا-انالارعا ەرەكشە بالالارمەن جۇمىستا قولدانىلاتىن ءاربىر ءادىس پەن ءتاسىل جەكەلەي تۇسىندىرىلگەن. ال سوڭعى ءبولىم «مىنەز-ق ۇلىقتى قولدانبالى تاڭداۋدى پراكتيكادا قولدانۋ» دەپ اتالادى, ياعني وسى بولىمدەگى 7 تاراۋ تولىعىمەن پراكتيكالىق جۇمىستارعا ارنالادى.
اۋتيست-بالانىڭ اناسى ءارى ءوزى دە ارنايى ورتالىقتىڭ مامانى ەلميرا احمەتوۆا اتالعان كىتاپ ماماندارعا جانە اتا-انالارعا باستى كومەكشى بولا الاتىنىن ايتادى.
«مەن وسى وقۋلىقتىڭ ورىسشا نۇسقاسىن وقىپ, ءىس-تاجىريبەدە قولدانعانمىن. العاش بالاما اۋتيزم دياگنوزىن قويعاندا, نە ەكەنىن, قالاي جۇمىس ىستەۋ كەرەگىن, قايتىپ دامىتۋعا بولاتىنىن بىلمەدىم. قازاقشا اقپارات تىم از, كاسىبي ادىستەمەلىك قۇرال مۇلدەم جوق ەدى. سوندىقتان ورىسشا ىزدەپ تاپتىم. ونداعى عىلىمي-ادىستەمەلىك ۇسىنىمداردى ومىردە قولداندىم. بالاممەن 9 جىل بويعى جۇمىستىڭ ناتيجەسىندە كوپ جەتىستىككە جەتتىك. ۇلىم قازىر سويلەي الادى, ءوز-وزىنە قىزمەت كورسەتەدى, كيىنىپ, جۋىنىپ, تاماعىن ءوزى ىشەدى, توسەگىن جينايدى. مەكتەپكە بارىپ ءجۇر, ودان بولەك كونكي ۇيىرمەسىنە قاتىسادى», دەيدى ە.احمەتوۆا.
