مەملەكەتتىك حاتشى ەرلان قاريننىڭ توراعالىعىمەن شەتەلدە كادر دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى.
جيىن بارىسىندا «بولاشاق» باعدارلاماسىن قايتا باعدارلاۋ جونىندەگى پرەزيدەنت قاسىم-جومارت توقاەۆتىڭ تاپسىرمالارىن ورىنداۋ ماسەلەلەرى تالقىلاندى. اتاپ ايتقاندا, مەملەكەت باسشىسىنىڭ تاپسىرماسىنا سايكەس «بولاشاق» باعدارلاماسى بويىنشا ءبىلىم الۋشىلار ءۇشىن تەحنيكالىق ماماندىققا باسىمدىق بەرىلەدى. اتالعان باعىتتا ءبىلىم الاتىن ستيپەندياتتاردىڭ قاتارى كوبەيىپ, جوعارى وقۋ ورىندارىنىڭ سانى ارتادى.
سونىمەن قاتار 2022 جىلى ينجەنەرلىك-تەحنيكالىق, مەديتسينا, مادەنيەت, تۋريزم جانە سپورت, بۇقارالىق اقپارات قۇرالدارىنىڭ, اۋىل شارۋاشىلىعى ونەركاسىبى سالاسىنىڭ قىزمەتكەرلەرى, مەملەكەتتىك قىزمەتشىلەر, عالىمدار, ورتا ءبىلىم, تەحنيكالىق جانە كاسىپتىك باعدار بەرۋ ۇيىمدارىنىڭ مۇعالىمدەرى تاعىلىمدامادان وتەتىن بولدى.
وتىرىس قورىتىندىسى بويىنشا ەرلان قارين «بولاشاق» باعدارلاماسىن ودان ءارى جەتىلدىرۋ جانە ونى جۇزەگە اسىرۋ تەتىكتەرىنىڭ تيىمدىلىگىن ارتتىرۋ جونىندە بىرقاتار تاپسىرما بەردى.
