ەلىمىز 2022 جىلعى 1 شىلدە مەن 31 جەلتوقسان ارالىعىندا تەڭ توراعالىق ەتەدى. سونداي-اق قازاقستان كەلەسى جىلدىڭ باسىنان باستاپ BFUG باسقارۋشى كەڭەسىنىڭ قۇرامىنا (BFUG Board) كىرەدى.
«قازاقستاننىڭ BFUG-عا تەڭ توراعالىق ەتۋى بۇل جوعارى جاۋاپكەرشىلىك ءارى ەلىمىزدىڭ حالىقارالىق دەڭگەيدە مويىندالۋىن بىلدىرەدى. بولون پروتسەسىنىڭ قۇرامىنا 48 مەملەكەت كىرەدى, ولاردىڭ ىشىندە شۆەيتساريا, فرانتسيا, ۇلىبريتانيا, يسپانيا, يتاليا جانە ت.ب. ەلدەر بار. ال قازاقستان بىرىڭعاي ءبىلىم بەرۋ پروتسەسىنىڭ مۇددەلەرىن ءبىلدىرۋ تۋرالى ۇسىنىسى ەۋروپالىق ءبىلىم بەرۋ جۇيەسىندە قازاقستاندىق جوعارى ءبىلىم جۇيەسىنىڭ بەدەلىنىڭ ارتقانىن كورسەتەدى», دەدى قر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ.
قازاقستان بولون پروتسەسى باقىلاۋ توبىنىڭ تەڭ توراعاسى رەتىندە شەتەلدىك ارىپتەستەرمەن كۇش-جىگەردى بىرىكتىرۋ ماقساتىندا جوعارى ءبىلىم سالاسىنداعى وزەكتى ماسەلەلەردى حالىقارالىق دەڭگەيدە تالقىلاۋعا باستاماشىلىق ەتۋدى كوزدەپ وتىر.
ونىڭ ىشىندە بەيرەسمي, پەداگوگيكالىق ءبىلىم بەرۋدى دامىتۋ, ءبىلىم ساپاسىن باعالاۋدى قامتاماسىز ەتۋ, سونىمەن بىرگە ورتالىق ازيا كەڭىستىگىندە بولون پروتسەسىنىڭ وزىق تاجىريبەسىن تيراجداۋ ماسەلەلەرى بار.
ايتا كەتەيىك, قازاقستان 10 جىلدان استام ۋاقىت بويى بولون پروتسەسىنىڭ تولىققاندى مۇشەسى بولىپ كەلەدى. ونىڭ پارامەترلەرى جوعارى ءبىلىم بەرۋ جۇيەسىنە بەلسەندى تۇردە ەنگىزىلدى. سونداي-اق قازاقستان بارلىق كورسەتكىش بويىنشا ءوز مىندەتتەمەلەرىن ورىندادى.
