«سەرگەي كوۆالەۆكە جارتىلاي ورتا سالماق دارەجەسىندە جۇدىرىقتاسۋ ايتارلىقتاي قيىندىق تۋعىزعانىن جانكۇيەرلەر وتە جاقسى بىلەدى. وعان سالماق قۋ اۋىر ءتيدى. بۇل جاعداي سوڭعى شايقاستارىندا ايقىن اڭعارىلىپ تۇردى. ول وتە كوپ كۇش جوعالتتى. سالماق قۋعاننان كەيىن قالپىنا كەلۋى مۇمكىن ەمەس جاعدايعا اينالدى. شاماسى 7-8 راۋندقا عانا جەتتى. سەرگەي ءبىرىنشى اۋىر سالماق دارەجەسىنە اۋىسقىسى كەلەتىنىن ۇدايى ايتىپ ءجۇردى. ەندى مىنە, كاسىبي مانسابىن ءبىرىنشى اۋىر سالماقتا جالعاستىرۋعا بەل بۋىپ وتىر.
قىتايلىق فانلۋن مەنگە قارسى شايقاسقا شىعۋ تۋرالى ۇسىنىستى Triller ستريمينگ قىزمەتى ۇسىنعان بولاتىن. بۇگىندە ولار مەنمەن ماسەلەنى شەشىپ جاتىر. ءبىز ءۇشىن ەشقانداي ايىرماشىلىق جوق. قارسىلاستىڭ دەڭگەيى جاقسى ەكەنى راس. سەرگەي قازىرگى تاڭدا كوپتىڭ بىرىمەن قولعاپ تۇيىستىرگىسى كەلمەيدى. ۇزدىكتەرگە قارسى شارشى الاڭعا شىعۋدى جوسپارلاپ ءجۇر. كاسىبي مانسابىنىڭ سوڭىن ءبىرىنشى اۋىر سالماقتا وتكىزەتىن كوۆالەۆ ەندى ءارى كەتسە 3-4 مارتە كەزدەسۋگە شىعاتىن بولادى. سول ءۇشىن دە ول مىقتىلارمەن قولعاپ تۇيىستىرگىسى كەلەدى», دەدى مەنەدجەر ءوز ويىن قورىتىندىلاپ.
