شىعىس ازەربايجان پروۆينتسياسىنىڭ داعدارىستىق جاعدايلارى باسقارۋ باسقارماسىنىڭ باسشىسى مۋحامماد باگەر حوناربار ۇشاقتىڭ اۆتوكولىك پەن مەكتەپ عيماراتىنىڭ قابىرعاسىنا سوعىلعانىن مالىمدەدى.
وقيعا كەزىندە مەكتەپكە وقۋشىلار بولماعان. F-5 جويعىش ۇشاعى جابىق تۇرعان مەكتەپ پەن سپورت زالدىڭ جانىنا قۇلاعان. اپات سالدارىنان ەكى ۇشقىش پەن اۆتوكولىك ىشىندە بولعان ازامات مەرت بولدى. ۇشاق تەبريزدەگى شاحيد فاكۋري بازاسىنان ۇشقان.
شاحيدا فاكۋري اۋە بازاسىنىڭ كومانديرى, گەنەرال رەزا يۋسەفيدىڭ ايتۋىنشا, ۇشقىش ۇشاقتى ادام جوق جەرگە قاراي بۇرىپ, ۇلكەن تراگەديانىڭ الدىن العان.
ء«بىزدىڭ ۇشقىشتار ۇشاقتىڭ باعىتىن ادام جوق جەرگە قاراي بۇردى. ۇشاق ءوزىنىڭ ءتيىستى ورنىنا قۇلاعاندا, ولار وزدەرىن امان الىپ قالا الار ەدى», دەپ قوستى ول.
جويعىش ۇشاق جاتتىعۋ ميسسياسى كەزىندە جوعالىپ كەتكەن, تەحنيكالىق اقاۋلار سالدارىنان ۇشقىش ونى قوندىرا الماعان.
قازىرگى كەزدە اپات ورنىنا قۇتقارۋشىلار جىبەرىلدى, تەرگەۋ ءجۇرىپ جاتىر.
