– بالكىم, بۇل رەسەيدىڭ بارلاۋ قىزمەتىنىڭ كوزقاراسى شىعار. بۇل راس تا بولۋى مۇمكىن. ولار ءبىزدىڭ ەلىمىزدەگى وقيعالاردى مۇقيات باقىلاپ وتىرادى عوي. قالاي دەسەك تە, ارنايى جاساقتالعان قارۋلى باندالار بيلىكتى باسىپ العىسى كەلدى. سوندىقتان, شەتەلدىك ساراپشىلار ايتقان پىكىردىڭ جانى بار دەپ ويلايمىن, – دەدى قاسىم-جومارت توقاەۆ.
سوندىقتان بارلىعىنا بايىپپەن قاراپ, سالماقتى باعا بەرۋ قاجەت ەكەنىن ءتۇسىندىردى.
– «سابىر ءتۇبى – سارى التىن» دەپ حالقىمىز بەكەر ايتپاعان. بىزگە كەرەگى – اسىعىس شەشىم شىعارىپ, ءىستى جاۋىپ تاستاۋ ەمەس, مىندەتتى تۇردە اقيقاتقا كوز جەتكىزۋ. بۇل – مەنىڭ الدىما قويعان ماقساتىم, – دەدى مەملەكەت باسشىسى Qazaqstan تەلەارناسىنىڭ تىلشىسىنە بەرگەن سۇحباتىندا.
