قارجى • 17 اقپان، 2022

قايتا قارجىلاندىرۋ امالدارى

91 رەت كورسەتىلدى

اراگىدىك كەيبىر سايتتار مەن الەۋمەتتىك جەلىدە نەسيە كەشىرىلەدى دەگەن اقپارات جارق ەتە قالادى. وعان سەنىپ، بانككە قۇستاي ۇشاتىن ادامدار دا جوق ەمەس. ارينە، ءبارى دە ەڭسەسىن باسقان قارىزدان قۇتىلعىسى-اق كەلەدى. بىراق الدىمەن تارالعان اقپاراتتىڭ جالعان-شىن ەكەنىن ايىرىپ العان ابزال.

جاقىندا تاعى دا وسى سارىنداس جاڭالىق ەل ءىشىن شارلاپ كەتكەن. جاڭالىققا دەرەۋ نازار اۋدارعان قارجى نارىعىن رەتتەۋ جانە دامىتۋ ا­گەنتتىگى تاراتىلىپ جات­قان اق­پاراتتىڭ دايەكسىز ەكەنىن مالىمدەدى.

«وسىعان بايلانىستى اگەنتتىك كرەديتتەرى بويىنشا تولەۋ مەرزى­مى ءوتىپ كەتكەن ازاماتتارعا قول­داۋ كورسەتۋ ءۇشىن 2021 جىلعى قازان­نان باستاپ بەرەشەكتى رەتتەۋ­دىڭ بىرىڭعاي مىندەتتى ءتارتىبى ەنگىزىل­گەنىن حابارلايدى. كرەديتتەر بويىن­شا تولەۋ مەرزىمى ءوتىپ كەتكەن جاعدايدا قارىز الۋشىلار بانككە نەمەسە ميكروقارجى ۇيى­مىنا وتىنىشپەن جۇگىنۋى قاجەت، وندا ولاردىڭ وتىنىشتەرى قارا­لىپ، پروبلەمالىق بەرەشەكتى قايتا قۇ­رىلىمداۋ تالاپتارى ۇسىنىلادى»، دەپ حابارلايدى قۇزىرەتتى ورگان.

قارىزدى قايتا قۇرىلىمداۋ تالاپتارى سىياقى مولشەرلەمەسىن ازايتۋ; تولەمدى كەيىنگە قالدىرۋ; وتەۋ ءادىسىن وزگەرتۋ; قارىز مەرزىمىن ۇزارتۋ; مەرزىمى وتكەن نەگىزگى بورىش جانە (نەمەسە) سىياقىنى كەشى­رۋ; ايىپ­اقىنىڭ (ايىپپۇلدىڭ، ءوسىم­پۇل­دىڭ)، كوميسسيالاردىڭ جانە قارىزعا قىزمەت كورسەتۋمەن بايلانىستى وزگە دە تولەمدەردىڭ كۇشىن جويۋ جانە تاعى باسقا تۇردە بولۋى مۇمكىن.

ەگەر قارىز الۋشى قارىزدى قاي­تا قۇرى­لىمداۋ تالاپتارى بويىن­شا كرەدي­تورمەن كەلىسىمگە قول جەتكىزە ال­ماسا، ول كرەديتوردىڭ جاۋابىن ال­عان كۇننەن باستاپ 15 كۇن ىشىندە اگەنتت­­ىككە جۇگىنۋگە قۇقىلى. بۇل رەت­­تە قارىز الۋشى بانككە نەمەسە مقۇ-عا ءوزىنىڭ ءوتىنىش بەرگەنىن جا­­نە ءوزارا ۇتىمدى شەشىمگە قول جەت­­كىز­بەگەنىن راستاۋ­دى مىندەتتى تۇر­دە ۇسى­نۋعا ءتيىس»، دەلىن­گەن حابار­لامادا.

بىراق ەلىمىزدە يپوتەكالىق قارىزدار بويىنشا تەڭگەمەن العان يپوتە­كالىق نەسيەنى قايتا قارجىلان­دىرۋ باعدارلاماسى جۇرگىزىلىپ جاتقا­نى بەلگىلى. بۇل ازاماتتار ءۇشىن وتە ءتيىمدى. سەبەبى كەشىرۋ باعدارلاماسى اياسىندا بانكتەر ازاماتتىڭ مەرزىمى وتكەن بەرەشەگىن سۇرامايدى.

«قازاقستاندا 2004-2009 جىلدار ارالىعىنداعى كەزەڭدە تەڭگەمەن يپوتەكالىق قارىز الۋشىلارعا كومەك كورسەتۋ ءۇشىن يپوتەكالىق قارىزداردى قايتا قارجىلاندىرۋ باعدارلاماسىن (باعدارلاما) ىسكە اسىرۋ جالعاسىپ جاتقانىن دا حابارلايمىز. باعدارلاما شەڭبەرىندە قارىز بويىنشا نەگىزگى بورىشتى جىلدىق 3 پايىزدان اسپايتىن سىياقى مولشەرلەمەسىمەن قاي­تا قارجىلاندىرۋ جۇرگىزىلەدى. قارىز الۋشىنىڭ سىياقى، ءوسىمپۇل (ايىپ­اقى)، ايىپپۇلدار مەن كوميسسيالار بويىنشا مەرزىمى وتكەن بەرەشەگىن بانكتەر كەشىرۋگە ءتيىس»، دەپ حابارلايدى اگەنتتىك ماماندارى.

نەسيە بويىنشا اقيقات اقپارات وسى اگەنتتىكتىڭ رەسمي سايتىندا جانە وزگە دە مەملەكەتتىك ورگاندار پلاتفورماسىندا جاريالانادى. سوندىقتان دالەل-دەرەگى جوق، رەسمي ەمەس مالىمدەۋلەرگە سەنبەگەن ءجون.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار