ول قازاقستان استاناسىنداعى حورەوگرافيا ونەرىنىڭ نەگىزىن قالاۋشىلاردىڭ ءبىرى بولدى.
«ونىڭ الەمنىڭ ءتۇرلى ساحنالارىندا جاساعان بەينەلەرىنىڭ جارقىن گالەرەياسى جانكۇيەرلەرىنىڭ جادىندا ۇزاق ۋاقىت ساقتالادى. ال قازاقستاندىق ارتىستەردىڭ ساڭلاقتارى شەبەرلەردىڭ كاسىبي تاجىريبەسىن ۇرپاقتان-ۇرپاققا جەتكىزىپ وتىراتىن بولادى», دەپ جازدى «استانا وپەرا» موبت ءباسپاسوز قىزمەتى.
تۇرسىنبەك نۇرقاليەۆ الماتى مەملەكەتتىك حورەوگرافيالىق ۋچيليششەسىندە كاسىبي بالەتپەن اينالىسا باستادى. 1970 جىلدان 2000 جىلعا دەيىن ول اباي اتىنداعى قازاق وپەرا جانە بالەت تەاترىنىڭ سوليستى بولدى.
2002 جىلى ت.جۇرگەنوۆ اتىنداعى ۇلتتىق ونەر اكادەمياسىن «رەجيسسەر-حورەوگراف» ماماندىعى بويىنشا بىتىرگەن.
2000-2013 جىلدارى - ك. بايسەيىتوۆا اتىنداعى نتبۇ باس بالەتمەيستەرى بولعان.
2013-2015 جىلدارى – «استانا وپەرا» موبت بالەتىنىڭ كوركەمدىك جەتەكشىسى قىزمەتىن اتقاردى.
2015 جىلدان باستاپ بالەت ترۋپپاسىنىڭ ديرەكتورى بولدى.
تۇرسىنبەك نۇرقاليەۆ ب.اسافەۆتىڭ «باقشاساراي بۇرقاعى», پ. چايكوۆسكيدىڭ «ششەلكۋنچيك» جانە «اققۋ كولى», ل. مينكۋستىڭ «بايادەركا», ا. اداننىڭ «جيزەل» بالەتتەرىن قويدى.
