AirAstana-نىڭ رەسمي سايتىندا مۇنداي ۇتىس ويىنى تۋرالى ەشقانداي اقپارات شىقپاعان. بۇل تۋرالى الەۋمەتتىك جەلىلەردەگى رەسمي پاراقشالاردا دا ايتىلمايدى.
«Air Astana ءوزىنىڭ الەۋمەتتىك جەلىلەردەگى پاراقشالارىندا نەمەسە airastana.com سايتىندا عانا ۇتىس ويىندارىن, كونكۋرستار مەن اكتسيالار وتكىزەدى. سول سەبەپتەن, الاياقتاردىڭ ايلا-امالدارىنا بوي الدىرماۋلارىڭىزدى سۇرايمىز!», دەپ جازدى اۆياتاسىمالداۋشى ءوزىنىڭ Telegram-پاراقشاسىندا.
وسىلايشا, قازىر پايدالانۋشىلارعا وتۋگە ۇسىنىلعان ساۋالناما اۆياكومپانيانىڭ رەسمي پورتالىندا نەمەسە ونىڭ الەۋمەتتىك جەلىلەردەگى بەتتەرىندە ورنالاستىرىلماعاندىقتان, ونى شىنايى دەپ ساناۋعا بولمايدى. دەمەك, بۇل ساۋالناما الاياقتاردىڭ ءىسى.
عالامتورداعى الاياقتىقتىڭ بۇل ءتۇرى - فيشينگ دەپ اتالادى. ونىڭ كومەگىمەن زيانكەستەر پايدالانۋشىلاردىڭ دەربەس اقپاراتىن, بانك كارتالارىنىڭ دەرەكتەرىن, جەكە جانە اقىلى اككاۋنتتاردىڭ لوگيندەرى مەن پارولدەرىن يەمدەنەدى.
