ەلوردا اكىمدىگىنەن حابارلاعانداي, بۇگىندە نۇر-سۇلتان قالاسى اكىمدىگىنىڭ 30-دان استام ۆەدومستۆولىق باعىنىستى ۇيىمدارى مەن باسقارمالارى جەكە تۇلعالاردان ءۇي-جايلاردى جالعا الادى, وسىلايشا جىل سايىن جالعا الۋ ءۇشىن 1 ميلليارد تەڭگە تولەيدى.
«جوعارىدا ايتىلعانداردى جانە وسى ۇيىمداردىڭ ءتۇرلى اۋدانداردا ورنالاسقانىن ەسكەرەر بولساق, باسقارمالار مەن اكىمدىككە ۆەدومستۆولىق باعىنىستى ۇيىمدار ءۇشىن جەكە ءبىر عيمارات قاجەت. وسىلايشا, «Sine Tempore» عيماراتىن ساتىپ الۋ ارقىلى قاراجاتتى ۇنەمدەپ قانا قويماي, ء«بىر تەرەزە» قاعيداتى بويىنشا قىزمەت كورسەتۋگە مۇمكىندىك بەرەدى. سەبەبى عيمارات قالالىق اكىمدىكتىڭ جانىندا ورنالاسقان. ايتا كەتسەك, 2020 جىلى ەكى كومپانيا اتالمىش نىسانعا باعالاۋ جۇرگىزدى. ونىڭ نەگىزىندە ءبىر كومپانيا 12,6 ملرد تەڭگەگە باعالاسا, ەكىنشىسى 11,7 ملرد تەڭگەنى كورسەتتى. ال 2021 جىلى تاعى ءبىر تاۋەلسىز باعالاۋ جۇرگىزىلدى, ونىڭ قورىتىندىسى بويىنشا 9,5 ملرد تەڭگە كورسەتىلگەن بولاتىن. ۇسىنىلعان ەڭ تومەنگى سوماعا عيماراتتى ساتىپ الۋ قالالىق ءماسليحاتتىڭ كەلىسىمىمەن جۇزەگە اسىرىلدى», دەلىنگەن اكىمدىك حابارلاماسىندا.
