بۇل تۋرالى «ينتەرفاكس» رف قورعانىس مينيسترلىگىنىڭ رەسمي وكىلى يگور كوناشەنكوۆقا سىلتەمە جاساپ حابارلادى.
«وڭتۇستىك جانە باتىس اسكەري وكرۋگتەرىنىڭ بولىمشەلەرى تاپسىرمالارىن ورىنداپ, تەمىرجول جانە اۆتوموبيل كولىگىمەن بۇگىننەن باستاپ اسكەري گارنيزوندارىنا قايتادى», دەدى كوناشەنكوۆ.
ول رەسەيلىك اسكەريلەر بىرقاتار اۋدانداردا وقۋ-جاتتىعۋلارىن جالعاستىرىپ جاتقانىن ءتۇسىندىردى.
«رەسەي فەدەراتسياسىنىڭ قارۋلى كۇشتەرىندە اسكەرلەر مەن كۇشتەردى جەدەل دايىنداۋ بويىنشا اۋقىمدى شارالار كەشەنى جالعاسۋدا. ولارعا بارلىق دەرلىك اسكەري وكرۋگتەر, فلوتتار مەن اۋە-دەسانتتىق كۇشتەر قاتىسادى», - دەپ اتاپ ءوتتى رف قورعانىس مينيسترلىگىنىڭ وكىلى.
اتاپ ايتقاندا شىعىس اسكەري وكرۋگىنىڭ اسكەرلەرى مەن رەسەي اۋە-دەسانتتىق كۇشتەرى بەلارۋس قارۋلى كۇشتەرىمەن «وداقتاستىق شەشىم» وقۋ-جاتتىعۋىن وتكىزىپ جاتىر (10-20 اقپان ارالىعىندا).
«دۇنيەجۇزىلىك مۇحيتتىڭ وپەراتسيالىق ماڭىزدى اۋداندارىندا جانە رەسەي اۋماعىنا ىرگەلەس تەڭىزدەردىڭ اكۆاتوريالارىندا جەر ءۇستى كەمەلەرى, سۇڭگۋىر قايىقتار جانە تەڭىز اۆياتسياسى قاتىساتىن بىرقاتار اسكەري-تەڭىز جاتتىعۋلارى وتكىزىلۋدە (13-19 اقپانعا دەيىن)», دەدى كوناشەنكوۆ.
وسىلايشا, رەسەي ۋكراينانىڭ ۋاقىتشا وككۋپاتسيالانعان اۋماقتارى مەن شەكارا ماڭىندا اسكەري بولىمدەرىن جيناقتاۋدى جالعاستىرۋدا.
