فوتو: ە. ۇكىباەۆ
الداعى سەنات وتىرىسىندا دەپۋتاتتار «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا (ەۋرازيالىق ەكونوميكالىق وداقتىڭ ورتاق ەلەكتر ەنەرگەتيكالىق نارىعىن قالىپتاستىرۋ بولىگىندە) وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قارايدى.
بۇل حاتتاما مۇشە مەملەكەتتەردىڭ ەنەرگەتيكالىق قاۋىپسىزدىگىن ارتتىرۋعا جانە ەۋرازيالىق ەكونوميكالىق وداقتا ادال باسەكەلەستىكتى قامتاماسىز ەتۋگە مۇمكىندىك بەرەتىن قۇقىقتىق كەڭىستىك قالىپتاستىرۋعا ارنالعان. سونداي-اق مۇشە مەملەكەتتەر ەكونوميكالارىنىڭ ەلەكتر ەنەرگەتيكاسى سالاسىنداعى تيىمدىلىگى مەن باسەكەگە قابىلەتتىلىگىن ارتتىرۋ ءۇشىن ءتيىستى جاعداي جاساۋدى كوزدەيدى.
سونىمەن قاتار پالاتا وتىرىسىنىڭ كۇن تارتىبىنە «قازاقستان رەسپۋبليكاسى مەن رەسەي فەدەراتسياسى اراسىنداعى اسكەري ىنتىماقتاستىق تۋرالى شارتتى راتيفيكاتسيالاۋ تۋرالى» زاڭ جوباسى شىعارىلدى.
اتالعان شارت قازاقستان مەن رەسەي اراسىنداعى اسكەري سالا بويىنشا ىنتىماقتاستىقتىڭ ءتۇرلى باعىتتارىن دامىتۋعا باعىتتالعان. ناقتى ايتقاندا, مەملەكەتتەردىڭ قاۋىپسىزدىگىن قامتاماسىز ەتۋ ءۇشىن اسكەرلەردى قولدانۋدى بىرلەسىپ جوسپارلاۋ, وڭىرلىك قاۋىپسىزدىكتىڭ سىن-تەگەۋرىندەرى مەن قاتەرلەرىنە قارسى ءىس-قيمىل, جەدەل جانە جاۋىنگەرلىك دايىندىق, اسكەري ءبىلىم مەن عىلىم, بىتىمگەرشىلىك قىزمەت سياقتى سالالارداعى ىنتىماقتاستىقتى قامتيدى.
