پاۆلودار وبلىسى پد مالىمەتىنشە, 13 اقپاندا ساعات 16.20-دا لەنينسكي - ەرتىس - رۋسسكايا پوليانا تاسجولىندا, وتەس اۋىلىنان ءتورت شاقىرىم جەردە جانتۇرشىگەرلىك جول اپاتى بولدى.
«Audi 100 كولىگىنىڭ 35 جاستاعى جۇرگىزۋشىسى جىلدامدىقتى اسىرىپ, Toyota Camri 20 كولىگىنە سوقتىعىستى. وقيعا سالدارىنان Audi 100 كولىگىنىڭ 26 جاستاعى جولاۋشىسى وقيعا ورنىندا قازا بولدى. وسى كولىكتىڭ جۇرگىزۋشىسى مەن 2013 جىلى تۋعان جولاۋشى, سونداي-اق Toyota Camri كولىگىنىڭ 24 جاستاعى جۇرگىزۋشىسى مەن 4 جولاۋشى ءتۇرلى دەنە جاراقاتتارىمەن اۋرۋحاناعا جەتكىزىلدى», دەدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
پوليتسەيلەردىڭ مالىمەتىنشە, كولىكتەر مامانداندىرىلعان ايىپ تۇراعىنا قويىلعان. بۇل فاكت بويىنشا تەرگەۋ امالدارى جۇرگىزىلىپ جاتىر.
قازىر دارىگەرلەر جانساقتاۋ بولىمىنە تۇسكەن ءۇش زارداپ شەگۋشىنى امان الىپ قالۋعا بار كۇشىن سالىپ جاتىر. ءۇش ناۋقاستىڭ دا ميى شايقالعان جانە باسقا دا اۋىر جاراقاتتار العان.
