اقمولا وبلىسىنىڭ پوليتسيا دەپارتامەنتى جول اپاتى 13-اقپاندا نۇر-سۇلتان - قابانباي باتىر - كيەۆكا اۆتوجولىنىڭ 19-شاقىرىمىندا بولعانىن حابارلادى.
الدىن الا انىقتالعانداي, ەلوردانىڭ 37 جاستاعى تۇرعىنى JAC ماركالى اۆتوكولىگىمەن قوسشى قالاسىنان شىعىپ, اباي كوشەسىمەن نۇر-سۇلتانعا قاراي بەت العان. ەلوردادان قابانباي باتىر اۋىلىنا قاراي Lada Priora تىزگىنىندە باسقارۋدى يگەرە الماعان نۇر-سۇلتاننىڭ باسقا تۇرعىنى قارسى جولاققا شىعىپ, JAC-پەن سوقتىعىستى.
«جول اپاتى سالدارىنان LADA Priora اۆتوكولىگىنىڭ جۇرگىزۋشىسى مەن ەكى جولاۋشى وقيعا ورنىندا كوز جۇمدى. 37 جاستاعى JAC جۇرگىزۋشىسى ەلوردانىڭ مەديتسينالىق مەكەمەسىنە جەتكىزىلدى», دەپ ناقتىلادى اقمولا وبلىسى پد ءباسپاسوز قىزمەتى.
اتالعان فاكتى بويىنشا قر قك 345-بابى 4-بولىگى بويىنشا سوتقا دەيىنگى تەرگەۋ باستالدى.
