اپات بولعان جەردە تۇسىرىلگەن بەينەبايان Instagram پاراقشالارىنىڭ بىرىندە جاريالاندى.
«قاشان دا اۆتوبۋس جۇرگىزۋشىلەرى جول ۇستىندە تەلەفونمەن سويلەسەدى, نەمەسە تەمەكى شەگەدى, ءبىر-بىرىنە جول بەرمەي, وسىنداي اپاتقا ۇشىرايدى», دەپ اشۋلاندى جەلى قولدانۋشىلارى.
قالالىق پوليتسيا دەپارتامەنتىندە تۇسىندىرگەندەي, جول اپاتى 11 اقپاندا ساعات 10:30 شاماسىندا بولعان.
«ك. ەسىمدى ازامات Yutong Bus ماركالى اۆتوبۋستى باسقارىپ, رايىمبەك داڭعىلى بويىمەن شىعىس باعىتتا كەلە جاتقان. قاشىقتىقتى ساقتاماعاندىقتان, ول ح. ەسىمدى ازامات باسقارعان SAZ ماركالى اۆتوبۋسپەن سوقتىعىسۋعا جول بەردى», دەدى الماتى قالاسى پد انىقتاۋ باسقارماسىنىڭ باستىعى ولجاس ءشارىپوۆ.
ونىڭ ايتۋىنشا, جول اپاتىنان ەشكىم زارداپ شەككەن جوق.
«بۇل فاكتىنى اۋەزوۆ اۋداندىق پوليتسيا باسقارماسى تەرگەۋدە», دەپ قوستى ولجاس ءشارىپوۆ.
