بۋبليك العاشقى اينالىمدا الەمنىڭ بۇرىنعى ءبىرىنشى راكەتكاسى, «ۇلكەن دۋلىعا» تۋرنيرلەرىنىڭ ءۇش مارتە چەمپيونى, قازىر رەيتينگتە 95-ورىندا تۇرعان ۇلىبريتانيالىق ەندي ماررەيمەن شەبەرلىك بايقاستى. ۇلىبريتانيالىق تەننيسشى تارتىستى ماتچتا 7:6 (8:6), 6:4 ەسەبىمەن جەڭىسكە جەتتى.
ا.بۋبليك 1 ساعات 43 مينۋتقا سوزىلعان باسەكە بارىسىندا 10 ەيس جاساپ, 4 برەيك-پوينتتىڭ بىرەۋىن عانا پايدالاندى. ماررەي 10 ەيس, 2 برەيكپەن (9 برەيك-پوينت) كوزگە ءتۇستى. ە.ماررەي شيرەك فينالعا شىعۋ ءۇشىن الەمنىڭ 9-راكەتكاسى, كانادالىق فەليكس وجە-الياسسيممەن تالاسادى.
ا.بۋبليك وتكەن اپتا فينالدا الەمنىڭ 3-راكەتكاسى, گەرمانيالىق الەكساندر زۆەرەۆتى ۇتىپ, مونپەلە ATP ءتۋرنيرىنىڭ جەڭىمپازى اتانعان ەدى. بۇل جولى جۇلدە قورى 1,2 ملن ەۋرودان اساتىن روتتەردام جارىسىنىڭ العاشقى اينالىمىنان اسا المادى.
