BMW كولىگىنىڭ جۇرگىزۋشىسى ن. تىلەنديەۆ داڭعىلى بويىمەن بارشىن كوشەسى جاعىنان كەلە جاتىپ, ءرۋلدى باسقارا الماي, Toyota Camry اۆتوكولىگىمەن سوقتىعىسقان.
سوققى كۇشىنەن BMW ءوتىپ بارا جاتقان KIA Rio-عا سوعىلىپ, قارسى قوزعالىس جولاعىنداعى «لاداعا» سوعىلدى.
اپاتان كەيىن BMW جۇرگىزۋشىسى جاسىرىنۋعا تىرىسىپ, گازدى باسا سۆلىسىمەن Toyota-مەن تاعى دا سوقتىعىستى.
«وقيعا سالدارىنان ءتۇرلى دەنە جاراقاتتارىمەن مەديتسينالىق مەكەمەلەرگە جەتى ادام جەتكىزىلدى, ولار مەديتسينالىق كومەك كورسەتىلگەننەن كەيىن ۇيلەرىنە جىبەرىلدى. كۋالاندىرۋ ناتيجەلەرى بويىنشا BMW ماركالى اۆتوكولىگىنىڭ جۇرگىزۋشىسى جەڭىل دارەجەدە ماس كۇيىندە بولعانى انىقتالدى», دەپ ءتۇسىندىردى نۇر-سۇلتان قالاسى پد ءباسپاسوز قىزمەتى.
قۇقىق بۇزۋشىنىڭ اۆتوكولىگى كوممۋنالدىق تۇراققا قويىلدى. قازىرگى ۋاقىتتا انىقتاۋ جۇمىستارى جۇرگىزىلۋدە.
