قازاقستان جەڭىل اتلەتيكا فەدەراتسياسىنىڭ مالىمەتى بويىنشا, قازىرگى تاڭدا ەكى جەرلەسىمىز, اتاپ ايتقاندا, نادەجدا دۋبوۆيتسكايا مەن داۆيد ەفرەموۆ الەم چەمپيوناتىنا قاتىسۋ مۇمكىندىگىنە يە بولدى. چەمپيونات ەرەجەسى بويىنشا, جەڭىل اتلەتتەر بايراقتى باسەكەگە قاتىسۋ ءۇشىن ءتيىستى ءنورماتيۆتى ورىنداۋى ءتيىس. قازاقستاندىق سپورتشىلار دۇنيەجۇزىلىك بىرىنشىلىكتىڭ جولدامالارىن وليمپيا ويىندارىنىڭ جەڭىمپازى ولگا رىپاكوۆانىڭ جۇلدەسىنە ارنالعان حالىقارالىق جارىستا, قازاقستان كۋبوگى مەن XXXI ەل چەمپيوناتىندا ساراپقا سالادى.
ايتا كەتەرلىگى, ىرىكتەۋ كەزەڭى 2022 جىلدىڭ 7 ناۋرىزىنا دەيىن جالعاسادى. ال بيىلعى الەم چەمپيوناتى 18-20 ناۋرىزعا جوسپارلانعان.
