مەركى اۋدانىنداعى قاراسۋ-قوراعاتى تاس جولىندا 40 جاستاعى جەرگىلىكتى تۇرعىن ۇستالدى. ول ەسىرتكى زاتتارىن اتقا ءمىنىپ تاسىمالداعان.
جامبىل وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرىنىڭ ايتۋىنشا, ەسىرتكى زاتتارىنىڭ جالپى سالماعى 21 كگ 140 گر قۇرادى.
ۇستالعان ازامات كىناسىن تولىقتاي مويىنداپ, ۋۇي-عا قامالدى.
ونىڭ ايتۋىنشا, ول ەسىرتكى قۇرالىن 2021 جىلدىڭ تامىز ايىندا مەركى اۋدانىنىڭ پرانسك ايماعىندا دايىنداعان.
«اتالعان فاكتى بويىنشا قر قك-ءنىڭ 296-بابى, 4-بولىگى «اسا ءىرى مولشەردە ەسىرتكى قۇرالدارىن زاڭسىز ساقتاۋ» بويىنشا سوتقا دەيىنگى تەرگەۋ جۇرگىزىلۋدە, وعان سايكەس ءۇش جىلدان جەتى جىلعا دەيىن باس بوستاندىعىنان ايىرۋ تۇرىندەگى جازا كوزدەلگەن», دەدى وبلىستىق پد ءباسپاسوز حاتشىسى گۇلسارا مۇحتارقۇلوۆا.
