«مەكتەپ وقۋشىلارى اراسىندا كوروناۆيرۋس ينفەكتسياسىنىڭ كوبەيگەنىن ەسكەرىپ, اكىمدەرگە بارلىق وقۋ ورىندارىندا سانيتاريالىق-ەپيدەميولوگيالىق رەجيمنىڭ بۇلجىتپاي ساقتالۋىن قامتاماسىز ەتۋدى تاپسىرامىن. سونداي-اق حالىقتى ۆاكتسينالاۋ جانە رەۆاكتسينالاۋ جۇمىستارىن بارىنشا كۇشەيتۋ قاجە», دەگەن پرەمەر-مينيستر بۇعان دەيىن بەرىلگەن تاپسىرمالارعا قاراماستان, ماڭعىستاۋ جانە قوستاناي وبلىستارىندا ەكپە الۋعا ءتيىس حالىقتىڭ جارتىسى عانا ۆاكتسينا سالدىرعانىن اتاپ ءوتتى.
ايۋىنشا, ەل استاناسى مەن الماتىدا جانە ماڭعىستاۋ وبلىسىندا رەۆاكتسينالاۋ قارقىنى جاقسارماعان.
«ال, شىعىس قازاقستان وبلىسىندا ۆاكتسينامەن قامتۋ 100 پروتسەنت, رەۆاكتسينالاۋ شامامەن 80 پروتسەنتكە جەتىپ وتىر. جامبىل وبلىسىندا ۆاكتسينا سالدىرۋ 100 پروتسەنتكە, ال رەۆاكتسينالاۋ – 66 پروتسەنتكە جۋىقتادى. بۇل – باسقا وڭىرلەر ءۇشىن ۇلگى بولارلىق جۇمىس. كوش سوڭىنداعى ايماقتاردىڭ اكىمدەرى ۆاكتسينالاۋ جانە رەۆاكتسينالاۋ ماسەلەسىن كۇندەلىكتى باقىلاۋعا الۋى ءتيىس», دەدى ۇكىمەت باسشىسى.
