«قاڭتارداعى جاپپاي تارتىپسىزدىككە قاتىستى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە 22 قىلمىستىق ءىس تىركەلدى. اتىراۋ قالاسىندا شابۋىلدان 13 قىزمەتتىك اۆتوكولىك پەن ءبىر زاڭدى تۇلعانىڭ اۆتوكولىگىنە زاقىم كەلتىرىلىپ, زالال قۇنى 200 ميلليون تەڭگەدەن استى. قۇقىق بۇزۋشىلاردىڭ زاڭعا قايشى ءىس-ارەكەتتەرىنىڭ الدىن الۋ, قوعامدىق قاۋىپسىزدىكتى قامتاماسىز ەتۋ كەزىندە 80-نەن استام قۇقىق قورعاۋ ورگاندارىنىڭ قىزمەتكەرلەرى مەن اسكەري قىزمەتشىلەر جاراقات الدى. اتالعان قىلمىستىق قۇقىق بۇزۋشىلىقتى جاساعان دەگەن كۇدىكپەن 26 ادام ۇستالىپ, ۋاقىتشا ۇستاۋ يزولياتورىنا قاماۋعا الىندى», دەيدى پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى بولات كوشقاليەۆ.
ونىڭ ايتۋىنشا, كورسەتىلگەن ادامداردىڭ كىناسى بەينەباقىلاۋ كامەرالارىنىڭ تۇسىرىلىمدەرىمەن, الەۋمەتتىك جەلىلەردە جاريالانعان روليكتەرمەن, سونداي-اق, ۇيالى تەلەفوندارداعى انىقتالعان دەرەكتەرمەن دالەلدەنگەن.
«قىلمىستىق ءىس شەڭبەرىندە 99 ساراپتاما تاعايىندالىپ, 400-دەن استام ادامنان جاۋاپ الىندى. انتيتەررورلىق وپەراتسيانى جۇرگىزۋ كەزىندە وبلىس اۋماعىنان 4 دانا قارۋ مەن 48 دانا ارنايى قۇرالدار تاركىلەندى. ازاماتتاردان تۇسكەن ءار شاعىم پروكۋراتۋرا ورگانىنان باسقا پوليتسيا دەپارتامەنتى وزىندىك قاۋىپسىزدىك باسقارماسىنىڭ قىزمەتكەرلەرىمەن قارالىپ جاتىر», دەپ ءمالىم ەتتى بولات كوشقاليەۆ.
