تۋريزم • 26 قاڭتار، 2022

ۇلىبريتانيادا تۋريستەر ءۇشىن كارانتين جويىلادى

83 رەت كورسەتىلدى

ۇلىبريتانيا بيلىگى شەتەلدىك تۋريستەر ءۇشىن ەلگە كىرۋ ەرەجەلەرىن جەڭىلدەتتى، دەپ حابارلايدى Egemen.kz،

بۇل تۋرالى كولىك ءمينيسترى گرانت شەپپس Twitter-دە حابارلادى.

ونىڭ مالىمدەمەسىنە سايكەس، 2022 جىلدىڭ 11 اقپانىنان باستاپ انگليادا ماقۇلدانعان پرەپاراتتارمەن ۆاكتسيناتسيالانعان تۋريستەر ءۇشىن COVID-19 سىناقتارى مەن كارانتين الىنىپ تاستالادى.

ۇلىبريتانيا ددۇ ماقۇلداعان كەلەسى ۆاكتسينالاردى مويىندادى: Pfizer/BioNTech Sinopharm Beijing Sinovac، Moderna Janssen AstraZeneca، Sinovac-CoronaVac، Sinopharm Beijing جانە Covaxin.

قازاقستاندىق QazVac ۆاكتسيناسى (سونداي-اق رەسەيلىك «سپۋتنيك V») ەلدە ماقۇلدانباعان، سوندىقتان وسى پرەپاراتپەن ۆاكتسيناتسيادان وتكەن تۋريستەر پتر-تەست تاپسىرۋى ءتيىس.

ۆاكتسيناتسيالانباعان تۋريستەر ءۇشىن دە كارانتين جويىلادى. بۇل ساناتتاعى ازاماتتار ۇلىبريتانياعا ۇشار الدىندا جانە ەلدە بولعان ەكىنشى كۇننەن كەشىكتىرمەي پتر تەست تاپسىرۋ قاجەت.

The Village حابارلاعانداي، جاڭا ەرەجەلەر ۇلىبريتانياعا تۋريستەر اعىنىن قالپىنا كەلتىرۋگە مۇمكىندىك بەرەدى. قازىرگى ۋاقىتتا ەلگە بارۋ ءۇشىن تۋريستەر ءۇش سىناقتان ءوتىپ، 10 كۇندىك كارانتيندى ۇستانۋى كەرەك.

انگلياعا ساپار شەككەندەردىڭ بارلىعى، ولاردىڭ ۆاكتسيناتسيا مارتەبەسىنە قاراماستان، ءالى دە «جولاۋشىلاردى ىزدەۋ فورماسىن» تولتىرۋى كەرەك.

ايتا كەتسەك، شوتلانديا، ۋەلس جانە سولتۇستىك يرلانديا ەلدەرى شەكتەۋلەردىڭ جەڭىلدەگەنىن ءالى جاريالاعان جوق.

سوڭعى جاڭالىقتار

ۇقساس جاڭالىقتار