سپيكەر مەگاپوليستە 291 عيمارات, ونىڭ ىشىندە 62 اكىمشىلىك عيمارات زارداپ شەككەنىن ەسكە سالدى.
«رۇقسات العان ساتتەن باستاپ, 12-16 قاڭتار ارالىعىندا ورتتەن زارداپ شەككەن ءۇي-جايلاردى تازارتۋ جۇرگىزىلدى. قازقسعزي «قازاقستان» تەلەارناسىنىڭ, باس پروكۋراتۋرا وكىلدىگىنىڭ, الماتى پوليتسيا دەپارتامەنتىنىڭ جانە اۋداندىق پوليتسيا باسقارمالارىنىڭ عيماراتتارىنداعى تەحنيكالىق تەكسەرۋدى اياقتادى. قالالىق اكىمدىك عيماراتى بويىنشا زەرتتەۋ ناتيجەلەرى 2022 جىلدىڭ 28 قاڭتارىندا كۇتىلۋدە», دەدى اكىمنىڭ ورىنباسارى.
ونىڭ ايتۋىنشا, ىرىلەندىرىلگەن سمەتالىق نورما بويىنشا جالپى سوماسى 28,6 ملرد تەڭگەگە 10 نىساندى قالپىنا كەلتىرۋ جۇمىستارىنىڭ الدىن الا قۇنى ەسەپتەلگەن.
«قازاقستان» تەلەارناسى مەن قالالىق اكىمدىك عيماراتتارىن كۇردەلى جوندەۋ مەن قايتا جاڭارتۋدى 1 تامىزعا دەيىن اياقتاۋ كوزدەلىپ وتىر. سونداي-اق, جەتى نىساندا, ونىڭ ىشىندە باس پروكۋراتۋرا عيماراتىندا, سونداي-اق پوليتسيا دەپارتامەنتىنىڭ توعىز عيماراتىندا جوندەۋ جۇمىستارى باستالدى. جوسپارلانعان بارلىق جوندەۋ جۇمىستارى 1 مامىرعا دەيىن اياقتالادى دەپ كۇتىلۋدە», دەپ ناقتىلادى مۇحيت ازىرباەۆ.
ول, سونداي-اق, بيزنەستىڭ الەۋمەتتىك جاۋاپكەرشىلىگى ەسەبىنەن مەملەكەتتىك ورگانداردىڭ 28 نىسانىندا جوندەۋ جۇمىستارى جۇرگىزىلىپ جاتقانىن قوسا ايتتى. 5 دەنساۋلىق ساقتاۋ نىسانىنىڭ ۇشەۋىندە جۇمىستار اياقتالدى, 3 اۋداندىق پوليتسيا باسقارماسىنداعى جوندەۋ جۇمىستارىن 28 قاڭتارعا دەيىن اياقتاۋ جوسپارلانۋدا, زارداپ شەككەن 20 مودۋلدىك پوليتسيا بەكەتتەرىنىڭ بەسەۋى تولىعىمەن ورتەنگەن - ولاردىڭ ورنىنا جاڭالارى ورناتىلادى, تاعى 15-ءى قالپىنا كەلتىرىلەدى, ولاردىڭ 9-ىندا جۇمىستار اياقتالۋ ساتىسىندا.
