23 قاڭتار كۇنى ساعات 17:47-دە 34 جاستاعى قالا تۇرعىنى پوليتسياعا قوڭىراۋ شالىپ, بەلگىسىز بىرەۋلەر ءۇيىنىڭ تەرەزەلەرىنە وق اتقانىن ايتقان. شاقىرۋ بويىنشا وقيعا ورنىنا جەدەل-تەرگەۋ توبى دەرەۋ جەتكەن. تەكسەرۋ بارىسىندا ەكى وق اتىلعانى جانە سالدارىنان بۇقار جىراۋ كوشەسىندەگى ءۇيدىڭ ءۇشىنشى قاباتىندا ورنالاسقان بالكوننىڭ اينەگى زاقىمدالعانى انىقتالدى.
پوليتسيا قىزمەتكەرلەرى 13-15 جاس ارالىعىنداعى 7 كامەلەتكە تولماعان بالانى ۇستادى. ولار پاۆلودار قالاسىنىڭ № 6, 16, 29 جانە 34 مەكتەپتەرىنىڭ وقۋشىلارى بولىپ شىقتى.
- 23 قاڭتاردا جاسوسپىرىمدەر دوسىنا كومپيۋتەرلىك ويىندار ويناۋعا جينالعان. ولاردىڭ ءبىرى وزىمەن بىرگە دوسىنان العان تاپانشاعا ۇقساس زاتتى الىپ كەلگەن. قىزىعۋشىلىق ءۇشىن بالالار بالكونعا شىعىپ, كەزەكپەن وق اتقان. بۇل وقتىڭ ءبىرى پوليتسياعا جۇگىنگەن ەر ادامنىڭ پاتەر يەسىنىڭ بالكونىنىڭ تەرەزەسىنە تيگەن, - دەلىنگەن حابارلامادا.
قارۋ تاركىلەنىپ, ساراپتاما تاعايىندالدى. سونىڭ ناتيجەلەرى بويىنشا كامەلەتكە تولماعاندارعا قاتىستى ءىس جۇرگىزۋ شەشىمى قابىلدانادى.
