كوروناۆيرۋس • 24 قاڭتار، 2022

جەتىسۋدا جۇقپالى ىندەتتىڭ ەكپىنى قاتتى

42 رەت كورسەتىلدى

جەتىسۋدا جۇقپالى ىندەتتىڭ ەكپىنى باسىلماي تۇر. وبلىس – ىندەت تارالىمى بويىنشا «قىزىل ايماقتا». وتكەن تاۋلىك ارالىعىندا 329 ادامنىڭ كوروناۆيرۋس ينفەكتسياسىن جۇقتىرعانى انىقتالدى. 136 ناۋقاس اۋرۋحاناعا بىردەن جاتقىزىلعان. جالپى، ايماقتا 804 ادام ستاتسيونارلىق ەم قابىلداپ جاتقان بولسا، 69 ناۋقاس ىندەتتەن جازىلىپ، ەمحانادان شىققان ەكەن.

دەرت جۇقتىرۋشىلار قاتارى نەگىزىنەن تالدىقورعان قالاسى مەن قاراساي، جامبىل، تالعار اۋداندارىندا ءوسىپ وتىر. بۇل وڭىرلەردە تاۋلىگىنە 32 ادامنان 43 ادامعا دەيىن دارىگەرلىك كومەككە جۇگىنگەن ەكەن. ال وبلىس اۋرۋحانالارىنداعى توسەكتىك ورىندار سانى 2 مىڭ بولسا، قا­زىرگە دەيىن ونىڭ 40 پايىزى ناۋ­قاستاردى قابىلداعان.

– وتكەن ءۇش كۇندە 5 831 ادام­نىڭ سىنامالارى پتر زەرت­حانالارىندا تەكسەرۋدەن ءوتتى. ايماقتاعى مەديتسينا ۇيىم­دارىندا 17 كومپيۋتەرلىك توموگراف، 53 رەنتگەن اپپاراتى، 606 وكپەنى جاساندى جەلدەتەتىن قۇرىلعى جۇمىس ىستەيدى. وتتەگى ستانسالارىمەن وبلىستىڭ 17 ورتالىق اۋرۋحاناسى تولىقتاي قامتاماسىز ەتىلگەن. بۇل ماقساتقا جەرگىلىكتى بيۋدجەتتەن 818،2 ملن تەڭگە بولىنگەن ەدى. سونداي-اق وتتەگى كونتسەنتراتورلارىنىڭ سانى 1 350 داناعا دەيىن جەتكىزىلدى، – دەيدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ارمان جانسەڭگىروۆ.

بۇعان قوسا وبلىستا كوروناۆيرۋس پنەۆمونياسىن ەرتە كەزەڭدە انىقتاۋ ءۇشىن جاڭا تسيفرلى جۇيە ەنگىزىلدى. ال وبلىس اۋرۋحانالارىندا جەكە قور­عانۋ قۇرالدارىنىڭ ايلىق قورى جەتكىلىكتى. وسى ماقساتتا وڭىردە 1،3 ملرد تەڭگەنى قۇراي­تىن تۇراقتاندىرۋ قورى قۇ­رىلىپ، 51 ءتۇرلى دارىلىك زاتتار مەن مەديتسينالىق بۇيىمدار جەتكىزىلگەن كورىنەدى. قازىر جۇق­پالى ىندەتپەن كۇرەسۋگە بارلىعى 3 455 مەديتسينا قىزمەتكەرى جۇ­مىلدىرىلىپ وتىر. ونىڭ ىشىندە 851 دارىگەر جانە 2 604 ورتا جانە كىشى مەديتسينا مامانى بار.

ايتپاقشى، الماتى وبلىسىندا 12 جاستان اسقان تۇرعىنداردى كوروناۆيرۋس ينفەكتسياسىنا قار­سى ۆاكتسينالاۋ جۇمىسى جال­عاسۋدا. بۇگىندە ايماق بويىنشا 318 ۆاكتسينالاۋ ورتالىعى جانە 76 جىلجىمالى بەكەت جۇمىس ىستەپ تۇر. سونىمەن قاتار وبلىس تۇرعىندارى رەۆاكتسينالاۋ كۋرسىنا بەلسەندى قاتىسۋدا. مىسالى، 88 722 ادام تولىق يممۋنداۋ كۋرسىنان وتكەن. ال وبلىستا ۆاكتسينانىڭ ءبىرىنشى دوزاسىن العاندار سانى 912 274 ادامعا جەتتى، بۇل جالپى تۇرعىنداردىڭ 76 پايىزىن قۇرايدى. بۇعان قوسا ەكپەنىڭ ەكىنشى كومپونەنتىن 851 309 وبلىس تۇرعىنى سالدىرعان، بۇل تۇرعىنداردىڭ 71 پايىزىنا جۋىقتايدى.

 

الماتى وبلىسى

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار