جەرگىلىكتى دەنساۋلىق ساقتاۋ باسقارماسىنىڭ مالىمەتى بويىنشا, سارسەنبىدە بەيجىڭدە ۆيرۋس جۇقتىرعان ءۇش ادام تىركەلگەن. بىرنەشە كۇن بۇرىن تەك ءبىر عانا ادامنان ۆيرۋس انىقتالعان ەدى. 15 قاڭتاردان باستاپ قالادا COVID-19 جۇقتىرعاندار وننان از بولعانىمەن, بۇل جاقىندا وليمپيادا وتەتىن قالا باسشىلىعى ءۇشىن الاڭداتاتىن جاعداي. تىركەلگەن ناۋقاستاردان «دەلتا», «وميكرون» شتامدارى تابىلعان.
ۇلتتىق دەنساۋلىق ساقتاۋ كوميسسياسىنىڭ 20 قاڭتار كۇنگى مالىمدەمەسىنە سايكەس, قىتاي بويىنشا بارلىعى 43 جاعداي انىقتالعان. بۇل ءبىر كۇن بۇرىنعى 55 ناۋقاستان ازىراق.
