قارجى • 22 قاڭتار، 2022

«قازاقستان حالقىنا» قورىنا جينالعان قارجى قالاي جۇمسالادى

177 رەت كورسەتىلدى

«قازاقستان حالقىنا» قورىنىڭ باسقارما توراعاسى بولات جامىشەۆ قوردىڭ كومەك الۋشىلارمەن تىكەلەي ءوزارا ءىس-قيمىل جاسامايتىنىن ايتتى، دەپ حابارلايدى Egemen.kz.

 

«كەيبىر ادامدار بۇل بيزنەسكە سالىنعان قوسىمشا سالىق دەپ قابىلدايتىنى تۋرالى حابارلامالاردى كوردىم. بۇل سالىق ەمەس، بۇل كاسىپورىنداردىڭ ەرىكتى ءتىزىمى دەپ ايتقىم كەلەدى. قازىر نەگىزىنەن ءىرى بيزنەس كاسىپورىندارى مەن وسى كاسىپورىنداردىڭ اكتسيونەرلەرى اقشا اۋدارۋدا. سالىق زاڭناماسىنا سايكەس سالىق سالىناتىن تابىستىڭ 3%-نا دەيىن سالىق شەگەرىمدەرى كوزدەلگەن جانە بۇل اقشانىڭ بارلىعى قايىرىمدىلىققا جىبەرىلەدى. مەنىڭ ويىمشا، وسى سالىقتىق جەڭىلدىكتەر اياسىندا اۋدارىمدار جۇزەگە اسىرىلادى. سوندىقتان، بۇل اۋدارىمدار باعانىڭ وسۋىنە اسەر ەتپەيدى. كوپتەگەن كاسىپكەرلەر قايىرىمدىلىقپەن اينالىسادى. جاڭا قور قۇرا وتىرىپ، ولاردىڭ بارلىق ىسكە اسىراتىن جوبالارى قارجىلاندىرىلادى دەپ ويلايمىن. تاعى ءبىر قور قىزمەتىنە قاتىسۋ قورعا ۇلكەن جاۋاپكەرشىلىك جۇكتەيدى. بيزنەسمەندەر قايىرىمدىلىققا اۋدارىلعان قاراجاتتىڭ جۇمسالۋىنا نەمقۇرايدى قارامايدى. قوردىڭ جاۋاپتى جانە ءتيىمدى جۇمىسى عانا قاراجاتتىڭ تۇراقتى تۇسۋىنە مۇمكىندىك بەرەدى. ءبىز دەمەۋشىلەر اراسىنان كەڭەس قۇرۋدى جوسپارلاپ وتىرمىز. وسى كەڭەسپەن بىرلەسىپ قور دونورلارىمەن جۇمىس ىستەۋ ستراتەگياسىن ازىرلەيمىز. ەرىكتى قايىرىمدىلىقتاردان باسقا قورعا لوتەرەيا قىزمەتى وپەراتورىنان جانە مولشەرلەمەلەردى ەسەپتەۋ ورتالىعىنان، سونداي-اق ۇكىمەت ايقىنداعان باسقا دا كوزدەردەن قاراجات تۇسەدى. بۇگىنگى كۇنى جەكە تۇلعالار ەرىكتى نەگىزدە قوردى قالىپتاستىرۋعا قاتىسۋدا جانە قور قانداي دا ءبىر ناۋقان شەڭبەرىندە قانداي دا ءبىر ماجبۇرلەۋ ارقىلى جاسالىپ جاتىر دەۋگە قانداي دا ءبىر سەبەپتەردىڭ بولۋىنا ءۇزىلدى-كەسىلدى قارسى. ءبىز جەكە تۇلعالاردىڭ ەرىكتى تۇردە قاتىسۋىن قولدايمىز. قور حالىقتىڭ قانداي دا ءبىر توپتارى مەملەكەت پەن جەكە بيزنەس ۇسىنبايتىن قىزمەتتەرگە مۇقتاج بولعان جاعدايلاردا دەنساۋلىق ساقتاۋ، ءبىلىم بەرۋ، الەۋمەتتىك قورعاۋ، مادەنيەت جانە سپورت سالاسىندا قايىرىمدىلىق كومەك كورسەتەتىن بولادى. سونداي-اق، قور ەلىمىزدىڭ تۇتاستىعى مەن تاۋەلسىزدىگىن قورعاۋ كەزىندە قازا تاپقان اسكەري قىزمەتشىلەر مەن قۇقىق قورعاۋ ورگاندارى قىزمەتكەرلەرىنىڭ وتباسىلارىنا قولداۋ كورسەتەتىن بولادى. تابيعي جانە تەحنوگەندىك سيپاتتاعى اپاتتار كەزىندە حالىققا مەملەكەتپەن بىرگە كومەكتەسەدى. قور سونداي-اق بالالار ءۇشىن سپورت وبەكتىلەرىنىڭ جانە وزگە دە الەۋمەتتىك ماڭىزى بار كورسەتىلەتىن قىزمەتتەردىڭ قولجەتىمدىلىگىن قامتاماسىز ەتۋگە قاتىسادى. قور كەدەيشىلىككە بايلانىستى دەنساۋلىعى مەن بولاشاعىنا قاتەر تونگەن وتباسىلاردان شىققان بالالارعا كومەك كورسەتۋگە ءتيىس بولادى دەپ ويلايمىن. قور كومەك الۋشىلارمەن تىكەلەي ءوزارا ءىس-قيمىل جاسامايدى. ول ءۇشىن ۇلكەن شتات پەن فيليالدىق جەلى قاجەت. ءبىزدىڭ ەلىمىزدە قوردىڭ قىزمەتىنە باعىتتالعان ماسەلەلەرمەن اينالىساتىن كوپتەگەن قوعامدىق ۇيىمدار جۇمىس ىستەيدى. قور ولاردىڭ سەرىكتەسى بولادى جانە ولار ارقىلى جۇمىس ىستەيدى. بۇل رەتتە قوردىڭ اقشاسىن وسى ۇيىمداردىڭ اپپاراتتارىن ۇستاۋعا پايدالانۋعا جول بەرىلمەيدى. اقشا تىكەلەي كومەك الۋشىلارعا جۇمسالادى. قازىردىڭ وزىندە 140 قوعامدىق ۇيىم حالىقتان وتىنىمدەردى بىرىڭعاي ەلەكتروندىق پورتال ارقىلى عانا قابىلدايدى. بۇل پورتال حالىق، قايىرىمدىلىق ۇيىمدارى مەن قور اراسىنداعى بايلانىس ارناسىنا اينالادى»، دەدى بولات جامىشەۆ ورتالىق كوممۋنيكاتسيالار قىزمەتىندە وتكەن بريفينگتە.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار