ءوڭىردىڭ پد مالىمەتىنشە, تالدىقورعاننىڭ ەكى تۇرعىنى جاپپاي تارتىپسىزدىك پەن ب ۇلىك كەزىندە وبلىس اكىمدىگى عيماراتىنا كەلىپ, ۇرلىق جاساعانىن مويىنداعان.
«ۇرلانعان زاتتار اراسىندا ءتۇرلى ۇيىمداستىرۋ تەحنيكالارى مەن كەڭسە بۇيىمدارى, تۇرمىستىق تەحنيكا ءتىپتى دارەتحانا قاعازىنا دەيىن بولعان», دەدى الماتى وبلىسى پد ءباسپاسوز قىزمەتىنىڭ وكىلى.
كۇدىكتىلەرگە قاتىستى قر قك-نىڭ 188-بابى بويىنشا سوتالدى تەرگەۋ باستالدى.
«ۇستالعانداردىڭ ەكەۋى دە ۋاقىتشا ۇستاۋ يزولياتورىنا قامالدى. الىنعان دالەلدەمەلەر ءىس ماتەريالدارىنا تىركەلىپ, پروتسەسسۋالدىق شەشىم قابىلداۋ ءۇشىن قىسقا مەرزىمدە سوتقا بەرىلەدى. وزگە اقپارات تەرگەۋ مۇددەسىنە بايلانىستى جاريالانبايدى», دەدى ۆەدومستۆو وكىلى.
