ەلوردا • 21 قاڭتار، 2022

ەلوردا اكىمى وڭتۇستىك-شىعىس ەلدى مەكەنىن ءالى دە دامىتاتىنىن ايتتى

38 رەت كورسەتىلدى

نۇر-سۇلتان قالاسىنىڭ التاي كولگىنوۆ Instagram پاراقشاسىندا وڭتۇستىك-شىعىس ەلدى مەكەنىن ودان ءارى دامىتۋ جانە اباتتاندىرۋ تۋرالى ايتتى، دەپ حابارلايدى Egemen.kz.

«ەلوردامىزدىڭ اۋداندارى مەن ەلدى مەكەندەرىن دامىتۋ بويىنشا تۇرعىندارمەن تۇراقتى كەزدەسىپ تۇرامىز. وڭتۇستىك-شىعىس ەلدى مەكەنىنىڭ تۇرعىندارىمەن كەزدەسىپ، جۇزەگە اسقان جۇمىستارىمىزدى جانە ودان ءارى دامۋ جولىمىزدى تالقىلادىق.

بۇعان دەيىن وڭتۇستىك-شىعىس تۇرعىندارى الەۋمەتتىك نىسانداردىڭ قاجەتتىلىگى تۋرالى پروبلەما كوتەرگەن بولاتىن. ءتيىستى جۇمىستار ورىندالعان سوڭ بيىل جەرۇيىق-2 ساياباعى اۋماعىندا مەكتەپ پەن بالاباقشا قۇرىلىسىن باستايمىز»، دەدى ەلوردا اكىمى.

بۇدان بولەك، كوكتەمدە الماتى اۋدانىندا جۇمىس ىستەيتىن جاستارعا ارنالعان تاعى ءبىر قولجەتىمدى تۇرعىن ءۇي قۇرىلىسى اياقتالاتىنىن جانە ەلدى مەكەندەردە بيىلدىڭ وزىندە 4 مەكتەپ سالۋ جوسپارلانىپ وتىر.

«وتكەن جىلدارداعىداي جولدار مەن اۋلالاردىڭ، سول سياقتى قوعامدىق كەڭىستىكتەردىڭ (ساياباقتار، گۇلزارلار، جەلەكجولدار) قۇرىلىسىنا ەرەكشە نازار اۋدارامىز. مىسالى، بۋراباي كوشەسىنەن ەسىل كوشەسىنە دەيىن، سونداي-اق ر.قوشقارباەۆ داڭعىلى – قورداي كوشەسىندە ۇلكەن گۇلزارلار سالامىز، وندا بالالار دا، ۇلكەن كىسىلەر دە ۋاقىتىن كوڭىلدى وتكىزەتىن بولادى.

وڭتۇستىك-شىعىس ەلدى مەكەنىن قاۋىپسىزدەندىرۋ ءارى تۇرعىندارعا جايلى بولۋى ءۇشىن تولىقتاي جارىقتاندىرامىز.

سونداي-اق وڭتۇستىك-شىعىس ەلدى مەكەنىندە گازداندىرۋ جۇمىسى ءجۇرىپ جاتىر. تۇرعىنداردىڭ ءبىر بولىگى كوگىلدىر وتىنعا قوسىلدى. وزدەرىڭىز بىلەتىندەي، ءىرى ەلدى مەكەندەردىڭ ءبىرى – وڭتۇستىك-شىعىس قالامىزداعى ءتۇتىننىڭ نەگىزگى كوزدەرىنىڭ ءبىرى بولىپ سانالادى. گاز تاراتۋ جەلىلەرىن ءبىز 9 ەلدى مەكەنگە ورناتتىق. وسى ماقساتتا 680 كم-دان استام گاز تاراتۋ جەلىسى سالىندى. گازداندىرۋ – ەلباسىنىڭ تاريحي جوباسى، بۇل باستاما قالا تۇرعىندارىنىڭ ءومىر ءسۇرۋىن بارىنشا قولايلى ەتۋگە، سونداي-اق قالا ەكولوگياسىن ايتارلىقتاي جاقسارتۋعا مۇمكىندىك بەرەدى.

مەملەكەت باسشىسىنىڭ تاپسىرماسى بويىنشا ەلدى مەكەندەرىمىز جۇيەلى تۇردە دامىپ كەلەدى. قالامىزعا قاراستى 16 ەلدى مەكەن بار. ماسەلەن، ەلدى مەكەندەرگە 13،5 كم ينجەنەرلىك جەلى، 5 كم-دەن استام كارىز جانە سۋ قۇبىرى، 3 كم-دەن استام نوسەر كارىزى سالىندى. ەكى جىل ىشىندە 160-تان استام كوشە سالىندى، الەۋمەتتىك نىساندار، اۋلالار مەن قوعامدىق كەڭىستىكتەر جەلىسى ايتارلىقتاي كەڭەيتىلدى»، دەپ جازدى ەلوردا اكىمى.

سوڭعى جاڭالىقتار

ۇقساس جاڭالىقتار