قارجى • 21 قاڭتار، 2022

سىرتقا قانشا اقشا كەتتى؟

146 رەت كورسەتىلدى

قازاقستاندىق جەكە تۇلعالار 2021 جىلى اقشا اۋدارىمدارىنىڭ جۇيەسى كومەگىمەن شەت مەملەكەتتەرگە قارجى اۋدارعان. قاڭتار-قاراشا ارالىعىندا سىرتقا جىبەرىلگەن قارجى كولەمى – 921،3 ملرد تەڭگە. بۇل 2020 جىلدىڭ سايكەس كەزەڭىمەن سالىستىرعاندا 29،2 پايىزعا كوپ.

ال شەتەلدەردەن كەلگەن اقشا قارا­جاتىنىڭ كولەمى – 256،2 ملرد تەڭگە. 2020 جىلدىڭ قاڭتار-قاراشاسى ارالى­عىندا كەلگەن اقشا كولە­مىنەن 0،8 پايىزعا تومەن. سوندا شەتكە شىققان اقشا سىرتتان كەلگەن اقشا كولەمىنەن 4 ەسە كوپ ەكەنىن بايقاۋعا بولادى. قازاقستاننان اۋدارىلعان اقشانىڭ ەڭ كوپ ۇلەسى وزبەكستانعا (278،5 ملرد تەڭگە) تيەسىلى. مۇنداي دەرەكتى Ranking مالىمدەيدى. ودان كەيىنگى ورىنداردا تۇركيا (189،2 ملرد تەڭگە)، رەسەي (162،1 ملرد تەڭگە) ەلدەرى. ال قازاقستانعا جىبەرىلگەن اقشا كولەمى تۇرعىسىنان رەسەي (48،7 ملرد تەڭگە) كوش باستايدى. ودان كەيىن وزبەكستان (44،5 ملرد تەڭگە) مەن وڭتۇستىك كورەيا (36،2 ملرد تەڭگە) ورنا­لاس­قان.

اقشانىڭ سىرتقا ۇلكەن قارقىنمەن شىعۋى اسا جاقسى قۇبى­لىس ەمەس. قازىردىڭ وزىندە تەك جەكە تۇلعالاردىڭ شەكارا اسقان قاراجاتىنىڭ كولەمى 1 ترلن تەڭگە مەجەسىنە تاياپ قال­عان. ءدال وسى ماسەلەگە پرە­زي­دەنت قاسىم-جومارت توقاەۆ ەرەكشە نازار اۋدارىپ، كاپيتال اعىنىن تەجەۋگە تاپسىرما بەرگەن ەدى.

«توتەنشە جاعدايدىڭ ەن­گى­زى­ل­­ۋىنە بايلانىستى جەكە­لە­­­گەن قارجىلىق جانە ونەركا­سىپ­­تىك توپتاردىڭ كاپيتالىن شەتەلگە، ونىڭ ىشىندە جالعان مامىلەلەر جاساۋ ارقى­لى شىعا­رۋ قاۋپى جوعارى. ءبىز قازىر­دىڭ وزىندە جەكەلەگەن تۇل­عا­لار­دىڭ شوتتارىنداعى قوزعالىس­تار­دى انىقتادىق. ۇلتتىق بانكك­ە قارجى نارىعىن قادا­عا­لاۋ جانە مونيتورينگتەۋ اگەنت­تىكتەرىمەن بىرلەسە وتىرىپ ەلدەن قاراجاتتى نەگىزسىز شىعارىپ جاتقان تۇلعالار مەن بارلىق ترانزاكتسيالارعا ناقتى تەكسەرىس پەن باقىلاۋ جاساۋدى تاپسىرامىن»، دەگەن ەدى پرەزيدەنت ءماجىلىس وتىرىسىندا.

بىلتىر شەتكە جىبەرىلگەن قاراجاتتىڭ 80 پايىزى «زولو­تايا كورونا» تولەم جۇيەسى ارقىلى جۇزەگە اسىرىلىپتى: 736،1 ملرد تەڭگە. ودان كەيىن Contact (86،7 ملرد تگ)، Western Union (55،6 ملرد تگ)، «يۋنيستريم» (28،8 ملرد تگ) جانە MoneyGram (10،2 ملرد تگ) جۇيەلەرى ورنالاسقان.

وسى ماسەلەگە وراي مەملە­كەت باس­شىسىنىڭ تاپ­سىر­ما­سى­نان سوڭ ۇلتتىق بانك تو­ر­ا­عاسى ەربولات دوساەۆ قا­تاڭ قا­­داعالاۋ ەنگىزىلەتىنىن جا­ريا­­لادى.

«ناقتى ەرەجە بۇزۋشىلىق بايقالعان جاعدايدا مۇنداي ماندەگى وپەراتسيالار جەدەل تۇردە توقتاتىلادى. قابىل­دان­عان شارالار اقشانى شى­عا­رۋعا قارسى كۇرەستىڭ ۇزدىك الەمدىك تاجىريبەسىنە نەگىزدەلگەن جانە KYC (know your client) قاعيداتتارىن تو­لى­­عىمەن جۇزەگە اسىرادى. بۇل ترانسشەكارالىق كاپيتال اعىنىنىڭ اشىقتىعىن قام­­تاماسىز ەتەدى. سىرتقى ەكو­­نو­ميكالىق قىزمەتكە ادال قا­تى­سۋشىلاردىڭ، ونىڭ ىشىن­دە رەزيدەنتتەر مەن رەزي­دەنت ەمەستەردىڭ قۇقىق­تا­رى بۇزىلمايتىنىن جانە حالىق­ارا­لىق مامىلە­لەر­دى جۇ­زەگە اسى­رۋدا شەكتەل­مەي­تى­نىن راس­تا­عىم كەلەدى»، دەدى ەربولات دوساەۆ.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار