جول-كولىك وقيعالارىنىڭ الدىن الۋ بويىنشا جۇرگىزىلىپ جاتقان جۇمىستارعا قاراماستان, ەل جولدارىنداعى جاعداي كۇردەلى بولىپ قالۋدا.
قاڭتار ايىنىڭ باسىنان بەرى جول اپاتتارىنان 100-دەن استام ادام قايتىس بولسا, 400-گە جۋىق ادام ءتۇرلى دارەجەدەگى جاراقات الدى. سوڭعى اپتادا جيىلەپ كەتكەن, ەكى جانە ودان دا كوپ ادامنىڭ ولىمىنە اكەپ سوققان جول-كولىك وقيعالارى ەرەكشە الاڭداۋشىلىق تۋدىرادى.
ماسەلەن, 14 قاڭتاردا اتىراۋ وبلىسىندا جۇرگىزۋشى دوسسور-قۇلسارى-بەينەۋ اۆتوجولىندا Honda Odyssey اۆتوكولىگىن باسقارىپ, ۆاز-2115 اۆتوكولىگىمەن سوقتىعىسىپ, سالدارىنان بەس ادام قازا تاۋىپ, بىرەۋى اۋرۋحاناعا جەتكىزىلدى.
15 قاڭتاردا قىزىلوردا وبلىسىنداعى ارال-قازالى اۆتوجولىندا Mazda NPV اۆتوكولىگىنىڭ جۇرگىزۋشىسى كوكتايعاقتا جولعا شىققان. كولىكتى باسقارا الماعان جۇرگىزۋشى قارسى قوزعالىس جولاعىنا شىعىپ, Volvo جۇك كولىگىمەن سوقتىعىستى. اپات سالدارىنان 8 ادام قازا تاپتى.
18 قاڭتاردا جامبىل وبلىسىنداعى ساۋداكەنت-جاڭاتاس اۆتوجولىندا كاماز اۆتوكولىگىنىڭ جۇرگىزۋشىسى كەرى بۇرىلۋ كەزىندە جول بەرمەي, Audi ا6-مەن سوقتىعىسۋعا جول بەردى, جول اپاتى سالدارىنان 4 ادام قازا تاۋىپ, بىرەۋى اۋرۋحاناعا ءتۇستى.
ال 19 قاڭتاردا شىعىس قازاقستان وبلىسىندا ومبى-مايقاپشاعاي اۆتوجولىندا Kia Rio كولىگىنىڭ جۇرگىزۋشىسى قاۋىپسىز قوزعالىس جىلدامدىعىن تاڭداماي, باسقا كولىكتى باسىپ وزۋ كەزىندە مەتەورولوگيالىق جاعدايلاردى (قار جاۋعان, بوران) ەسكەرمەي, Mitsubishi Outlander-مەن سوقتىعىستى. ناتيجەسىندە 4 ادام قازا تاۋىپ, 3 ادام اۋرۋحاناعا جاتقىزىلدى.
